Պատգամավոր Վոլոդացկի. Հայաստանը վտանգում է անվերադարձ փչացնել հարաբերությունները Ռուսաստանի հետ

Եվրասիական տնտեսական միությունից (ԵԱՏՄ) դուրս գալով Հայաստանը ռիսկի է դիմում անդառնալիորեն վնասելու Ռուսաստանի հետ հարաբերությունները, news.ru-ի հետ զրույցում ասել է Պետդումայի ԱՊՀ գործերի, եվրասիական ինտեգրման և հայրենակիցների հետ հարաբերությունների հանձնաժողովի նախագահի առաջին տեղակալ Վիկտոր Վոդոլացկին։ Նրա խոսքով Երևանի կրկնակի չափանիշներն արդեն իսկ սպառնալիք են ստեղծել Մոսկվայի հետ նրա ռազմավարական գործընկերության համար։

ՀՀ վարչապետ Նիկոլ Փաշինյանի կրկնակի չափանիշներն արդեն հանգեցրել են նրան, որ երկիրը զրկվել է ԵԱՏՄ շուկա մուտք գործելու հնարավորությունից և Ռուսաստանի հետ փոխգործակցությունից, բարեկամությունից և ռազմավարական գործընկերությունից ստացվող բազմաթիվ այլ առավելություններից։ Այն երկրներից ոչ մեկը, որոնք վաճառվել են եվրոպական առաջնորդներին և Միացյալ Նահանգներին ԱՄՆ-ից ստացած քաղցրավենիքի և տորթերի համար, ոչինչ չի ստացել իրենց զարգացման համար։ Այդ երկրները տնտեսական անկման մեջ են։ Կենսամակարդակը նվազում է, իսկ զինված հակամարտությունները սրվում են։ Հայաստանը Ռուսաստանի ռազմավարական գործընկերն է։ Նրա քաղաքացիների մեծ մասը ապրում են Ռուսաստանում։ Այսօր Հայաստանը ռիսկի է դիմում անցնել անդարձելիության կետը, որից հետո անհնար կլինի վերականգնել նորմալ հարաբերությունները մեր երկրի հետ, ասել է Վոդոլացկին։

Ավելի վաղ Պետդումայի միջազգային հարցերով հանձնաժողովի փոխնախագահ Ալեքսեյ Չեպան հայտարարել էր, որ Ռուսաստանի և Հայաստանի միջև համագործակցության ապագան կորոշվի Երևանի դիրքորոշմամբ։ Նրա խոսքով Մոսկվան պատրաստ է զարգացնել հարաբերությունները, բայց սպասում է փոխադարձ քայլերի։

Նյութը հրապարակման պատրաստեց Կամո Խաչիկյանը

www.1or.am