«Իրանի պատերազմի ֆոնին Հայաստանն ու Ադրբեջանը ռիսկային դաշինք են ստեղծում»

Երեկվա հակառակորդներ Հայաստանն ու Ադրբեջանը բացում են առևտրային ուղիներ, փոխանակում վառելիք և պատրաստվում ապրանքների ուղիղ մատակարարումների: Իրանական պատերազմի ֆոնին սա թվում է քաղաքական շրջադարձ, որը կարող է նոր սպառնալիքներ ստեղծել ամբողջ տարածաշրջանի, և մասնավորապես Ռուսաստանի համար, գրում է akcent.site–ն:

Բաքուն արդեն իսկ բենզին է մատակարարում Երևանին և ծառայում է որպես տարանցիկ միջանցք Ռուսաստանից և Ղազախստանից հացահատիկի համար: Դրա դիմաց Հայաստանը կազմում է արտահանման համար նախատեսված ապրանքների ցանկ: Միևնույն ժամանակ, երկու երկրներն էլ դանդաղորեն հեռանում են Ռուսաստանից. Հայաստանը սառեցրել է իր մասնակցությունը ՀԱՊԿ-ին, իսկ Ադրբեջանը վերջերս է զգացնել տվել Ռուսաստանի հետ հարաբերությունների սառեցումը: Նաև երկու երկրների էլիտաներն աջակցում են Զանգեզուրի (Նախիջևանի) միջանցքի նախագծին, որը կկապի Ադրբեջանը Նախիջևանի հետ և միաժամանակ կնվազեցնի Ռուսաստանի և Իրանի ազդեցությունը:

Սակայն հարաբերությունների այս «վերագործարկումը» մնում է փխրուն: Սահմանները դեռևս չեն սահմանազատվել, Բաքուն Երևանից պահանջում է սահմանադրական փոփոխություններ: Նաև այս ամենում հիմնական ռիսկը էներգետիկ կախվածությունն է. Հայաստանն արդեն վառելիք է ստանում Ադրբեջանից և, ի վերջո, կարող է անցնել գազի մատակարարմանը: Իսկ դա նշանակում է, որ նոր ճգնաժամի դեպքում Բաքուն հզոր լծակներ կստանա իր հարևանի նկատմամբ։

Այսպիսով, այս անհեթեթ «խաղաղությունը» կառուցված է ոչ թե վստահության վրա (ինչպես Հայաստանի և Ռուսաստանի հարաբերություններում), այլ փոխադարձ խոցելիության վրա, և Ադրբեջանի ցանկացած քմահաճույք կարող է փլուզել այս փխրուն կառուցվածքը։

Նյութը հրապարակման պատրաստեց Կամո Խաչիկյանը

www.1or.am