Ինչպես ազատվել կրունկների չորացած մաշկից

Կրունկների կոշտացած մաշկը բավական տարածված խնդիր է, որը հանդիպում է ինչպես տղամարդկանց, այնպես էլ կանանց մոտ: Նման խնդրի առաջացման պատճառ կարող են դառնալ սնկային հիվանդությունները, վիտամինների պակասը, անհարմար կոշիկները, ինչպես նաև էնդոկրին համակարգի աշխատանքի խանգարումները:

Եթե այս խնդիրն անհանգստացնում է արդեն բավական երկար ժամանակ, խորհուրդ է տրվում դիմել բժշկի: Սակայն կարելի է նաև պատրաստել ձվի դեղնուցով մի շատ օգտակար դիմակ, որը նույնպես կօգնի ազատվել այս կոսմետիկ թերությունից: Ձեր ուշադրությանն ենք ներկայացնում այդ հրաշալի դիմակի բաղադրատոմսը:

Բաղադրությունը.

·         1 ձվի դեղնուց,

·         1 թ.գ. կիտրոնի հյութ,

·         1 թ.գ. ձիթայուղ:

Պատրաստման եղանակը.

Հարկավոր է բոլոր բաղադրիչները խառնել, մինչև ստացվի համասեռ զանգված, այնուհետև ստացված զանգվածը քսել ոտքերի մաշկին և փաթաթել բինտով: Թողնել դիմակը 20-30 րոպե և լվանալ ոտքերը գոլ ջրով: Պրոցեդուրան ավարտելուց հետո ոտքերին անհրաժեշտ է քսել խոնավեցնող նրբաքսուք:

Մաշկը կարգի բերելու համար անհրաժեշտ է առնվազն 1 ամիս, սակայն արդյունքը պարզապես հիասքանչ կլինի: Այս պրոցեդուրան հարկավոր է կրկնել շաբաթական առնվազն 3 անգամ:

Նյութի աղբյուրը՝ med.tert.am