Եթե դուք չեք ծառայում պետությանը խորհրդարանում, ապա ծառայեք պետությանը առաջնագծում․ Զելենսկին՝ պատգամավորներին
ՄԻՋԱԶԳԱՅԻՆ
Ժողովրդական պատգամավորները, որոնք ցանկանում են վայր դնել իրենց մանդատները, պետք է շարունակեն կատարել իրենց պարտականությունները Գերագույն ռադայում կամ գնան ծառայելու ռազմաճակատում։ Այս մասին լրագրողների հետ հանդիպման ժամանակ հայտարարել է Ուկրաինայի նախագահ Վլադիմիր Զելենսկին, փոխանցում է rbc.ua-ն։
Զելենսկիի խոսքով՝ լայնածավալ ներխուժման սկզբից ի վեր խորհրդարանի որոշ անդամներ ցանկանում էին հրաժարվել իրենց մանդատներից։ Այնուամենայնիվ, ռազմական դրության ժամանակ Ուկրաինայի խորհրդարանը պետք է շարունակի լիարժեք գործել։
«Կարող են լինել տարբեր ցանկություններ և դրանց նկատմամբ տարբեր վերաբերմունք, բայց մենք գտնվում ենք ռազմական դրության մեջ և պետք է պաշտպանենք մեր պետությունը։ Հետևաբար, խորհրդարանի անդամները կամ պետք է ծառայեն խորհրդարանում՝ համաձայն Ուկրաինայի օրենսդրության, կամ ես պատրաստ եմ խորհրդարանական ներկայացուցիչների հետ բանակցել զորահավաքի փոփոխությունների մասին օրենքի շուրջ, որպեսզի խորհրդարանի անդամները կարողանան մեկնել ռազմաճակատ», - հայտարարել է Զելենսկին։
«Եթե դուք չեք ծառայում պետությանը խորհրդարանում, ապա ծառայեք պետությանը առաջնագծում։ Սա է իմ մոտեցումը»,-ավելացրել է Զելենսկին։
