«Քաղաքական քողարկում. Փորձագետը ինքնիշխանության հարցում Հայաստանի աննախադեպ քայլի մասին»

Հունվարի կեսերին Հայաստանի արտաքին գործերի նախարարությունը հայտարարեց ԱՄՆ-ի հետ շրջանակային համաձայնագրի մասին, որը նախատեսում է TRIPP Development-ի ստեղծում: Ընկերությունը պատասխանատու կլինի միջանցքի զարգացման համար՝ 49 տարվա զարգացման և այն երկարաձգելու իրավունքով, գրում է news.rambler.ru–ն:

Քաղաքագետ և «Digoria Expert Club»-ի անդամ Միխայիլ Վարշավսկին «Svobodnaya Pressa»-ին տված հարցազրույցում նշել է, որ այդ զարգացումը նշանակում է, որ Վաշինգտոնը քաղաքական հայտարարություններից անցնում է այդ հիմնական զարկերակի գործնական նախագծման: Փաստորեն, «տեխնիկական խորհրդատուի» քողի տակ Միացյալ Նահանգները դառնում է ամբողջ Հարավային Կովկասի տրանսպորտային կոնֆիգուրացիայի ճարտարապետը։ «TRIPP Development կառավարող ընկերության բաժնետոմսերի 74%-ը վերահսկելով և բոլոր տեխնիկական պարամետրերը (ուղղորդումից մինչև թողունակություն) որոշելով ԱՄՆ–ը ստեղծելով այլընտրանք ռուսական և իրանական երթուղիներին երկարաժամկետ լծակներ է ձեռք բերում Կենտրոնական Ասիայի և Եվրոպայի միջև տարանցիկ հոսքերի վրա», - բացատրել է զրուցակիցը։

Վարշավսկին կարծում է, որ այդ նախագիծը երկկողմանի սուր է Հայաստանի համար։ Մի կողմից Երևանը ստանում է ներդրումների, ենթակառուցվածքների արդիականացման և տարանցիկ հանգույցի կարգավիճակի խոստումներ, մյուս կողմից  կամավոր կերպով իր տարածքի մի մասի նկատմամբ ռազմավարական վերահսկողությունը զիջում է արտաքին կառավարմանը, ինչը աննախադեպ քայլ է ազգային ինքնիշխանության առումով։ «ԱՄՆ փոխնախագահ Վենսի այցը Հայաստան Սպիտակ տան կողմից նախագծի նկատմամբ հովանավորության խորհրդանշական հաստատում է և օգնում է հանրության ուշադրությունը ներքին խնդիրներից տեղափոխել «բարգավաճ տարանցիկ ապագայի» պատկերի վրա։ Այսպիսով, TRIPP-ը մի նախագիծ է, որտեղ լոգիստիկան և սոցիալ-տնտեսական օգուտները ծառայում են որպես քաղաքականության քողարկում։ Դա օգուտ է բերում ԱՄՆ–ին, ով ձեռք է բերում ազդեցության մշտական ​​կետ, օգուտ է բերում Ադրբեջանին, ում տրամադրվում է ցամաքային միջանցք, և կենսական նշանակություն ունի Նիկոլ Փաշինյանի ռեժիմի համար որպես իշխանության հենասյուն։ Սակայն, դա Հայաստանի համար երկարաժամկետ հետևանքներ ունի, դա ինքնիշխանության մասնակի կորուստ է ու Ադրբեջանին համակարգված զիջումներ։ Իսկ ավելի ուշ, երբ Բաքվի ախորժակը մեծանա, Վաշինգտոնը կկարողանա ճնշում գործադրել Երևանի վրա օգտագործելով TRIPP սխեման», - ընդգծել է Վարշավսկին։

Նյութը հրապարակման պատրաստեց Կամո Խաչիկյանը

www.1or.am