Ծանոթ ու միաժամանակ անհայտ … Կարոլանս լիկյոր

Համեմատած շատ այլ ալկոհոլային խմիչքների հետ, իռլանդական էլիտար Կարոլանս լիկյորը հին պատմություն չունի, դրա բաղադրատոմսը մշակվել է միայն 20-րդ դարի վերջում: Այնուամենայնիվ, այդ նոր արտադրանքը մեծ հաջողություն է ունեցել, և ընդամենը մեկ տասնամյակի ընթացքում արժանապատվորեն գրավել իր տեղը ոչ միայն Իռլանդիայում և Մեծ Բրիտանիայում, այլ նաև ամբողջ աշխարհում։

Հետաքրքիր է այն, որ ժամանակակից «Carolans»-ը իր անունը ստացել է 17-րդ դարում ապրած հանճարեղ քնարահար Տորլա Օ'Կարոլանից: Նրա նվագը այնքան էր գրավել իր ժամանակակիցներին, որ նրան համարում էին իսկական կախարդ: Այդ թափառական երաժիշտը, ով դարձել է Իռլանդիայի ազգային կոմպոզիտորը, կարողացել է իր կենդանության օրոք իր գործիքից ստեղծել այնպիսի անսովոր նուրբ հնչողություն, որ Կարոլանս լիկյորի ստեղծողները ընտրել են հենց նրա անունը՝ նոր սպիրտային ըմպելիքի նրբությունն ու մեղմությունը ընդգծելու համար: Այդ լիկյորը թողարկվել է 1978 թվականին, և առաջին մի քանի տարիների ընթացքում դարձել շքեղ սպիրտային խմիչք: Կարոլանսը արտադրվում է Իռլանդիայի Կլոնմել փոքրիկ քաղաքում։

Այս լիկյորի հիմնական բաղադրիչներն են Tullamore Dew-ն՝ պրեմիում իռլանդական վիսկին, բնական սերուցքը, մեղրը և շոկոլադը: Այս համադրությունը ստեղծում է հիանալի համ, որտեղ սերուցքի նրբությունը մեղմանում է կարամելի և կակաոյի համերով: Այս ըմպելիքի ճշգրիտ բաղադրատոմսը, ինչպես և մյուս սերուցքային լիկյորների դեպքում, խիստ պահպանվող գաղտնիք է: Այսպիսով, անհնար է իմանալ, թե ինչպես են դրա ստեղծողները ապահովում այն, որ սերուցքը և այլ բաղադրիչները մնան հավասարաչափ խառնված վիճակում: Հնարավոր է նաև, որ բաղադրատոմսը ներառում է այլ գաղտնի բաղադրիչներ, բայց աշխարհը դժվար թե երբևէ իմանա դրանց մասին:

Այս ըմպելիքը մրցակցում է հայտնի Baileys-ի և Sheridan's-ի հետ, օգտագործվում է որպես ինքնուրույն ըմպելիք և որպես բաղադրիչ բազմազան կոկտեյլներում: Carolans-ը նաև վայելում են սառցե խորանարդիկներով: Այն նաև հաճախ ավելացվում է պաղպաղակին և սուրճին դրանց հաղորդելով անսովոր հաճելի համ և բույր: Զարմանալի չէ, որ այն այդքան արագ է ընդունվել նախ բրիտանացիների, ապա մնացած աշխարհի կողմից: Էլիտար Carolans լիկյորը սպառվում է մանրանկարչական բաժակներից, որոնք պատրաստված են թափանցիկ սպիտակ ապակուց կամ բյուրեղապակուց: Այս նուրբ լիկյորը պատկանում է Davide Campari-Milano խոշոր կորպորացիային, որը արտադրում է այնպիսի բազմաթիվ հայտնի ալկոհոլային խմիչքներ, ինչպիսիք են Cinzano գինին, Aperol ապերիտիվը, Campari բիթերը և հայտնի Wild Turkey վիսկին։
 
Կ. Խաչիկյան