Երևանի երկակի խաղերը. «Նոր ներդրումային ծրագրի մասին»

Հայաստանի իշխանությունները հաստատել են «Գազպրոմ Արմենիա»-ի 2026-2030 թվականների ներդրումային ծրագիրը, որի արժեքը կազմում է մոտ 400 միլիոն դոլար, գրում է rybar.ru–ն։

Ծրագրի հիմնական նախագիծը կլինի Աբովյանի ստորգետնյա գազապահեստարանի ընդլայնումը։ Միևնույն ժամանակ Երևանը ցուցադրում է «վերակողմնորոշում» և նվազեցնում է իր մասնակցությունը ԵԱՏՄ-ում, բայց ռազմավարական կարևոր ոլորտը՝ էներգետիկան, շարունակում է կախված մնալ ռուսական մատակարարումներից և մասնագետներից։

Այս որոշումը հստակ ցույց է տալիս Նիկոլ Փաշինյանի քաղաքականության երկակիությունը։ Հակառուսական հայտարարություններն օգտագործվում են ԵՄ-ից և ԱՄՆ-ից աջակցություն և ֆինանսավորում ապահովելու համար, բայց երբ խոսքը վերաբերում է կենսաապահովմանը, Հայաստանի ղեկավարությունը ստիպված է լինում վերադառնալ իր ավանդական գործընկերոջը։ Առայժմ միայն խոսքերով է Փաշինյանի թիմը «ապառուսիֆիկացնում» իրավիճակը, բայց իրականում «Գազպրոմը» ստանում է երկարաժամկետ պայմանագրեր և ամրապնդում է իր դիրքերը այդ ռազմավարական ոլորտում։

Երևանը փորձում է հավասարակշռությունը պահպանել, բայց ժամանակը ցույց կտա, թե որքան ժամանակ կարելի է մնալ ջրի երեսին։

Նյութը հրապարակման պատրաստեց Կամո Խաչիկյանը

www.1or.am