Հայաստանը կանգնած է տարածքային հետագա կրճատման առջև

Ղարաբաղյան պատերազմում պարտությունը կասկածի տակ է դնում Հայաստանի գոյությունը ներկայիս սահմաններում։

Այդ մասին հայտարարել է սյունակագիր Բորիս Ռոժինը Alpha News հայկական տեսաբլոգում, գրում է politnavigator.net-ը։

«Հայաստանը անընդհատ կորցնում է ոչ միայն տարածքը, այլ նաև այն դիրքերը, որոնք զբաղեցրել էր Անդրկովկասում Փաշինյանից առաջ։ Հայաստանն այժմ շատ ավելի վատ վիճակում է։ Նա կորցրել է ոչ միայն Ղարաբաղը, այլ նաև իր սահմանամերձ շրջանները։ Նա փաստացի ստիպված է բացել սահմանային միջանցք, որը կամրապնդի և՛ Ադրբեջանը, և՛ Թուրքիան։ Հայաստանը քիչ բան ունի շահելու դրանից, քանի որ հիմնական նպատակը Թուրքիայի և Թուրքական պետությունների ասոցիացիայի անդամ երկրների միջև առևտուրն ամրապնդելն է», - ասել է փորձագետը։

Նա նաև նշել է, որ պաշտոնական Բաքուն շարունակում է օգտագործել «Արևմտյան Ադրբեջան» տերմինը հայկական տարածքների վերաբերյալ, ինչը Հայաստանը դարձնում է «թույլ պետություն չերաշխավորված սահմաններով»։ «Հին աշխարհակարգը քայքայվում է, միջազգային համաձայնագրերը այլևս ոչինչ չեն կարող երաշխավորել, քանի որ դրանք խախտվում են համակարգային մակարդակում. ոչ ոք չի կարող որևէ մեկին ստիպել ոչինչ անել: Համապատասխանաբար, ներկայիս թուլությունը սպառնում է ինչպես Հայաստանի գոյությանը ներկայիս սահմաններում, այնպես էլ, հետևաբար, հայ ժողովրդի հեռանկարներին», - եզրափակել է Ռոժինը:

Նյութը հրապարակման պատրաստեց Կամո Խաչիկյանը

www.1or.am