Հիմնադրվել է Համահայկական էլեկտրոնային գրադարանը․ պատմության այս օրը (24 հոկտեմբեր)

ՈՐՈՇ ՏՈՆԵՐ - ՄԱԿ-ի համաշխարհային օր, Պոլիոմիելիտի դեմ պայքարի համաշխարհային օր, Տեղեկատվության և զարգացման համաշխարհային օր,
Զամբիա - Անկախության օր, Եգիպտոս - Սուեզի ջրանցքի օր, Ռուսաստան - Հատուկ նշանակության ստորաբաժանումների օր։

ՀԱՅԱՍՏԱՆՈՒՄ

1558 - ծնվել է հայկական ծագումով լեհ բանաստեղծ Շիմոն Շիմոնովիչը։
1801 - վախճանվել է արդյունաբերող, կալվածատեր Հովհաննես Լազարյանը։
1813 - ստորագրվել է Գյուլիստանի պայմանագիրը Ռուսաստանի և Պարսկաստանի միջև։
1841 - ծնվել է գրող, պատմաբան և հայագետ Ալեքսանդր Երիցյանը։
1864 - ծնվել է արձակագիր Հարություն Ճուղուրյանը։
1888 - ծնվել է գրող, երգիծաբան Լեռ Կամսարը։
1900 - ծնվել է հայ խորհրդային պետական և կուսակցական գործիչ Ամատունի Ամատունին։
1914 - Առաջին համաշխարհային պատերազմի ժամանակ սկսվել է Կովկասյան արշավանքը՝ զինված հակամարտությունը Օսմանյան կայսրության և Ռուսական կայսրության միջև։
1929 - ծնվել է թատրոնի և կինոյի հայ մեծանուն դերասան Սոս Սարգսյանը։
1976 - վախճանվել է աշխարհագրագետ Կամսար Ավետիսյանը։
1987 - «Ազգային ինքնորոշում միավորում» կազմակերպությունը ընդհատակյա պայմաններում սկսել է «Անկախություն» թերթի տպագրությունը։
1992 - ԱՄՆ Սենատը ընդունել է «Ազատության աջակցման ակտի» լրացումը, որի համաձայն արգելված է օգնություն ցուցաբերել Ադրբեջանին մինչև այն ժամանակ, քանի դեռ իրականացվում են ռազմական գործողություններ և շրջափակում Հայաստանի նկատմամբ։
1993 - Արցախյան առաջին պատերազմի ժամանակ ղարաբաղյան զինված կազմավորումները մի քանի ուղղությամբ սկսել են Ադրբեջանից մեկուսացված Զանգելանի, Ջաբրայիլի և Կուբաթլուի շրջանների դեռևս չվնասազերծված ռազմական հենակետերի ոչնչացումը։
2003 - Երևանի Արաբկիր համայնքի ջրամատակարարման խողովակի վթարի հետևանքով, երբ խմելու ջրատարին են խառնվել անձրևաջրերը, գրանցվել են աղիքային վարակների մի քանի տասնյակ դեպքեր։
2007 - Իրանը դիմել է ՄԱԿ-ին՝ առաջարկելով հայկական Սև եկեղեցին ընդգրկել աշխարհի ժառանգություն համարվող վայրերի ցուցակում։
2008 - հիմնադրվել է Համահայկական էլեկտրոնային գրադարանը։
2012 - Հանրապետության հրապարակում գտնվող ԱԳՆ շենքը շուկայականից բարձր գնով վաճառվել է արգենտինահայ գործարար Էդուարդո Էռնեկյանին պատկանող «Տանգո» ընկերությանը։
2018 - խորհրդարանում ձայների 0 կողմ, 1 դեմ և 11 ձեռնպահ հարաբերակցությամբ Նիկոլ Փաշինյանը չի ընտրվել վարչապետ։ Միակ դեմ քվեարկածը եղել է գործարար պատգամավոր Սամվել Ալեքսանյանը։

ԱՇԽԱՐՀՈՒՄ

51 - ծնվել է Հռոմի կայսր Տիտոս Փլավիոս Դոմիցիանոսը։
1648 - Վեստֆալյան խաղաղության պայմանագրի ստորագրմամբ ավարտվել է 30-ամյա պատերազմը։
1658 - ֆրանսիական Լյուդովիկոս 14-րդ թագավորի առջև որպես դերասան և հեղինակ հանդես է եկել Մոլիերը։
1725 - վախճանվել է իտալացի երգահան, բազմաթիվ ստեղծագործությունների հեղինակ Ալեսանդրո Սկարլատին։
1795 - տեղի է ունեցել Ռեչ Պոսպոլիտայի երրորդ տրոհումը, որից հետո այն դադարել է գոյություն ունենալ որպես անկախ պետություն։
1801 - վախճանվել է ռուս զորավար, Սևծովյան նավատորմի հրամանատար Իվան Հաննիբալը, որը հանդիսանում է Խերսոն քաղաքի հիմնադիրը։
1851 - աստղագետ Ուիլյամ Լասելը հայտնաբերել է Ուրանի արբանյակներ Արիելը և Ումբրիելը։
1854 - ծնվել է ֆրանսիացի բանաստեղծ, ֆրանսիական սիմվոլիզմի ներկայացուցիչ Արթյուր Ռեմբոն։
1857 - Քեմբրիջի համալսարանի շրջանավարտները Շեֆֆիլդում հիմնադրել են աշխարհում առաջին ֆուտբոլային ակումբը։
1861 - դատավոր Ստեֆան Ֆիլդը Կալիֆորնիայից առաջին տրանսկոնտինենտալ հեռագիրն է ուղարկել մայրաքաղաքում գտնվող ԱՄՆ նախագահ Լինկոլնին։
1911 - ծնվել է խորհրդային դերասան, հումորիստ և ռեժիսոր Արկադի Ռայկինը։
1911 - Էվանս հրվանդանից ուղևորվել է անգլիացի Ռոբերտ Ֆոլկոն Սկոտի 12 հոգիանոց արշավախումբը՝ նպատակ ունենալով հասնել Հարավային բևեռին։
1929 - Միացյալ Նահանգներում տեղի է ունեցել «սև հինգշաբթի»-ն, որից հետո սկսվել է Մեծ համաշխարհային տնտեսական ճգնաժամը։
1939 - ԱՄՆ Դելավեր նահանգի Ուիլմինգտոն քաղաքում «DuPont» ընկերությունը աշխարհում առաջին անգամ վաճառքի է հանել նեյլոնե զուգագուլպաներ։
1941 - Երկրորդ համաշխարհային պատերազմի ժամանակ գերմանացիները գրավել են ԽՍՀՄ թվով երրորդ արդյունաբերական քաղաք հանդիսացող Խարկովը։
1945 - հիմնադրվել է ՄԱԿ-ը։
1947 - մուսուլման անջատողականները հնդկական Քաշմիր պրովինցիան հայտարարել են անկախ պետություն։
1948 - վախճանվել է հունգարացի և ավստրիացի կոմպոզիտոր և դիրիժոր Ֆրանց Լեհարը։
1957 - վախճանվել է ֆրանսիացի հագուստի մոդելյոր Քրիստիան Դիորը։
1960 - ստարտային հրապարակում պայթել է փորձնական Р-16 հրթիռը, որի արդյունքում զոհվել են 74 մարդ, այդ թվում՝ ԽՍՀՄ հրետանու գլխավոր մարշալ Նեդելինը։
1964 - Հյուսիսային Ռոդեզիան ստացել է անկախություն և անվանափոխվել Զամբիայի։
1966 - ծնվել է ռուսաստանցի գործարար և քաղաքական գործիչ Ռոման Աբրամովիչը։
1974 - ծնվել է խորհրդային ջութակահար և դիրիժոր Դավիդ Օյստրախը։
1989 - «Նոր Երկիր» հյուսիսային փորձադաշտում իրականացվել է ՍՍՀՄ վերջին միջուկային փորձարկումը։
2000 - Բեռլինի Եգիպտոսի թանգարանում հայտնաբերվել է աշխարհում առայժմ միակը հանդիսացող Կլեոպատրայի ստորագրությունը։

Կ. Խաչիկյան