Մեսսին երկարաձգել է պայմանագիրն Ինտեր Մայամիի հետ
ՍՊՈՐՏ
«Ինտեր Մայամին» հայտարարել է հարձակվող Լիոնել Մեսսիի հետ պայմանագրի երկարաձգման մասին, գրում է armsport.am-ը:
ԶԼՄ-ների տվյալներով՝ 38-ամյա հարձակվողի նոր պայմանագիրը նախատեսված է մինչև 2028 թվականը։ Նախկին պայմանագիրը պետք է ավարտվեր 2025 թվականի դեկտեմբերի 31-ին։
Մեսսին «Ինտեր Մայամիում» է հանդես գալիս 2023 թվականի հուլիսից։ Թիմի հետ նա նվաճել է Լիգայի գավաթը (2023) և դարձել MLS-ի կանոնավոր առաջնության հաղթողը (2024)։ Ավելի վաղ Մեսսին հայտարարել էր, որ «Ինտեր Մայամին» կլինի իր կարիերայի վերջին ակումբը։
Արգենտինացին ութ անգամ արժանացել է «Ոսկե գնդակին»։ Արգենտինայի հավաքականի կազմում Մեսսին հաղթել է աշխարհի առաջնությունը (2022), Ամերիկայի գավաթը (2021, 2024), Ֆինալիսիման (2022) և Օլիմպիական խաղերը (2008)։
