Փորձագետ Մաթևոսյանը Հայաստանում տեղի ունեցած ձերբակալությունները անվանել է քաղաքական մրցակցության դեմ պայքար

Հայաստանում տեղի ունեցող ձերբակալությունները քաղաքական մրցակցության դեմ պայքար են՝ 2026 թվականի հունիսին նախատեսված խորհրդարանական ընտրություններից առաջ։ Այդ մասին «Ռոսիա 24» հեռուստաալիքի եթերում հայտարարել է քաղաքագետ Բենիամին Մաթևոսյանը, գրում է vesti.ru-ն։

Փորձագետը նաև մեկնաբանել է չորս ամիս կալանքի տակ գտնվող, ձերբակալված գործարար Սամվել Կարապետյանի կողմնակիցների լայնածավալ երթերը, ինչպես նաև հոգևորականության ավելի քան 10 անդամների կալանավորումը։ «Այսօրվա ձերբակալությունները լիովին համապատասխանում են Հայաստանում տեղի ունեցող գործընթացների տրամաբանությանը։ Կարելի է ասել, որ Մոլդովան եկել է Հայաստան այն համատեքստում, որ իշխանությունները ամեն ինչ կանեն, որպեսզի իրական մրցակիցների նվազագույն թիվը հասնի վերջնագծին, այսինքն՝ երկրի Ազգային ժողովի ընտրություններին։ Ամեն դեպքում պետք է հասկանալ, որ որքան մոտենան ընտրությունները, այնքան ավելի կուժեղանան քաղաքական մրցակիցների և Հայ Առաքելական Եկեղեցու նկատմամբ հալածանքները», — ասել է Մաթևոսյանը։

Հիշեցնենք, որ վերջերս կաշառք ստանալու մեղադրանքով ձերբակալվել է Գյումրի քաղաքի քաղաքապետ Վարդան Ղուկասյանը, և դա այն բանից հետո, երբ հոկտեմբերի սկզբին ՀՀ վարչապետ Նիկոլ Փաշինյանը Ղուկասյանի Գյումրու քաղաքապետ ընտրվելը անվանել էր թյուրիմացություն։

Նյութը հրապարակման պատրաստեց՝ Կամո Խաչիկյան
www.1or.am