Ազգային ժողովում ընդունվել է սահմանամերձ գյուղերին արտոնություններ տվող օրինագիծ. պատմության այս օրը (23 հոկտեմբեր)

ՈՐՈՇ ՏՈՆԵՐ

Հարավային Ամերիկայի քիմիկոսներ՝ Մոլի օր (ոչ պաշտոնական)
Հունգարիա՝ Հանրապետության օր
Լիբիա՝ Հաղթանակի և ազատության օր
Ռուսաստան՝ Գովազդի աշխատողների օր

ՀԱՅԱՍՏԱՆՈՒՄ

1905 – ծնվել է խորհրդահայ դիրիժոր Ալեքսանդր Մելիք-Փաշայանը։
1907 – ծնվել է հայ խորհրդային զորահրամանատար Նվեր Սաֆարյանը։
1919 – հայ-ադրբեջանական պատերազմի ընթացքում Զանգեզուրի ինքնապաշտպանության կոմիտեն Երևան է ուղարկել իր ներկայացուցիչին՝ նպատակ ունենալով համոզել Հայաստանի կառավարությանը Ղարաբաղ ուղարկել սպաների խումբ, որոնք չեն թողնի Ադրբեջանին ուղղակի կառավարում իրականացնել այնտեղ։
1913 – ծնվել է հայ խորհրդային դերասան Գարուշ Խաժակյանը։
1915 – ծնվել է ջութակահար Ռուբեն Գրիգորյանը։
1928 – ծնվել է երաժշտագետ, դիրիժոր Հովհաննես Չեքիջյանը։
1953 – ծնվել է թուրք գիտնական Թաներ Աքչամը, որը բացահայտ ընդունում և քննարկում է Հայոց ցեղասպանության հարցը։
1959 – վախճանվել է հայազգի խորհրդային կոմպոզիտոր Սերգեյ Աղաբաբովը։
1963 – ծնվել է քանդակագործ Նունե Թումանյանը։
1993 – Ղարաբաղյան առաջին պատերազմի ժամանակ հայկական բանակը հակահարձակման է անցել ռազմաճակատի հարավային ուղղությամբ և ազատագրել կարևորագույն ստրատեգիական կետ համարվող Հորադիզ քաղաքը։ Շրջափակման մեջ են ընկել ադրբեջանական բանակի Կովսականի և Կուբատլուի զորամասերը, որոնք տեղաբաշխված են եղել Ադրբեջանի Զանգելանի, Ջեբրաիլի և Կուբաթլուի շրջաններում։
1994 – վախճանվել է հայ խորհրդային կինոռեժիսոր Գրիգոր Մելիք-Ավագյանը։
1997 – վախճանվել է հայազգի գյուտարար Լյութեր Ջորջ Սիմջյանը, որը ունի 200-ից ավելի գյուտերի արտոնագիր։
1999 – վախճանվել է կանադահայ պատմաբան, իրավագետ, սոցիոլոգիայի և իրավունքի դոկտոր Գևորգ Բաղջյանը։
2006 – Հայաստանի նոր օրհներգի համար հայտարարված մրցույթում հաղթող է ճանաչվել Արամ Խաչատրյանի երաժշտությունը, որը որպես հիմն հնչել է խորհրդային տարիներին։
2008 – նախագահ Սերժ Սարգսյանը հրամանագիր է ստորագրել մարտի 1-2-ի իրադարձությունների պատճառների վերհանմանն ու բացահայտմանն ուղղված փաստերի հավաքումն իրականացնող Փորձագետների փաստահավաք խմբի ստեղծման և դրա գործունեության կազմակերպման կարգը հաստատելու մասին։
2009 – Թուրքիայում Անթալիայի «Ոսկե նարինջ» կինոփառատոնում հայկական «Սահման» ֆիլմը միջազգային ֆիլմերի մրցույթում արժանացել է գլխավոր մրցանակի։
2013 – վախճանվել է Հայաստանի առաջին կին ճարտարապետ Աննա Տեր-Ավետիքյանը։
2014 – Ազգային ժողովում ընդունվել է սահմանամերձ գյուղերին արտոնություններ տվող օրինագիծ։
2018 – Երևան–Գյումրի մայրուղին փակել են «Հյուսիս-հարավ» մայրուղու շինարարները, որոնք պահանջել են իրենց աշխատավարձերը։
2023 – «Հայաստան» խմբակցության պատգամավոր Արմեն Չարչյանը վայր է դրել պատգամավորական մանդատը։

ԱՇԽԱՐՀՈՒՄ

787 – քրիստոնեական եկեղեցիների Տիեզերական համաժողովը ընդունել է սրբապատկերների հարգման կարգը, որը պահպանվում է մինչև մեր օրերը։
1086 – Ալմորավիդների և իսպանական մուսուլմանների բանակը Զալլակեի ճակատամարտում ջախջախել է Լեոնի և Կաստիլիայի թագավոր Ալֆոնսո VI-ի բանակներին։
1545 – 32 չելնա-չայկա նավերով զապորոժցի կազակները մոտեցել են թուրքական Աչի-Կալե (Օճակով) ամրոցին և գրավել այն։
1698 – ծնվել է ֆրանսիացի ճարտարապետ Ան-Ժակ Գաբրիելը։
1715 – ծնվել է Պետրոս II-ը, որը 1727-ից մինչև իր մահանալը եղել է Ռուսաստանի ցար։
1792 – ծնվել է բնագետ Ֆրիդրիխ Պարրոտը։
1803 – Ջոն Դալտոնը հաշվարկել է 21 քիմիական էլեմենտների և միացությունների ատոմային մասսաները։
1814 – Լոնդոնում վիրաբույժ Ջոզեֆ Կարպյուն իրականացրել է քթի ձևի վերականգնման վիրահատություն, որը համարվում է աշխարհում կատարված առաջին պլաստիկ վիրահատությունը։
1826 – ԱՄՆ-ի Նյու Յորքի թատրոնում առաջին անգամ օգտագործվել է գազային լուսավորություն։
1844 – ծնվել է ֆրանսիացի նշանավոր դերասանուհի Սառա Բեռնարը։
1850 – Կոստանդնապոլսի նավահանգստում խարսխված «Neisi Shevkat» գծանավի վրա տեղի ունեցած ուժգին պայթյունի հետևանքով զոհվել է ավելի քան հինգ հարյուր մարդ։
1868 – ծնվել է անգլիացի ինժիներ Ֆրեդերիկ Լանչեստերը, որը հանդիսանում է բրիտանական առաջին ավտոմեքենայի ստեղծողներից մեկը։
1904 – ծնվել է ռուս նկարիչ և մտածող Սվյատոսլավ Ռերիխը։
1940 – ծնվել է բրազիլացի աշխարհահռչակ ֆուտբոլիստ Պելեն, որը համարվում է «ֆուտբոլի արքան»։
1944 – Երկրորդ համաշխարհային պատերազմի ժամանակ ԱՄՆ-ը, Անգլիան և Խորհրդային Միությունը ճանաչել են գեներալ Շառլ դը Գոլի գլխավորած Ֆրանսիայի ժամանակավոր կառավարությանը։
1946 – կայացել է ՄԱԿ-ի Գլխավոր ասամբլեայի առաջին նիստը։
1956 – Հունգարիայում սկսվել է հակախորհրդային ապստամբությունը։
1984 – ԽՄԿԿ Կենտկոմի պլենումը որոշում է ընդունել Սիբիրի գետերի հոսքը ուղղել հարավ։
2000 – չին հնեաբանները պեղել են Խան դինաստիայի ժամանակաշրջանի ավելի քան 2000 տարվա հնություն ունեցող երաժշտական գործիքների թանգարան։
2001 – թողարկվել է iPod շարժական մեդիա նվագարկիչը։
2002 – Մոսկվայում Դուբրովկայի թատերական կենտրոնում ընթացող «Նորդ-Օստ» մյուզիքլի ժամանակ ներխուժելով դահլիճ՝ չեչեն ահաբեկիչները պատանդ են վերցրել մոտ 900 մարդու։
2011 – Լիբիայում հայտարարվել է, որ հաղթանակ է տոնվել Մուամար Քադդաֆիի ռեժիմի նկատմամբ։
2022 – ավարտվել է Չինաստանի Կոմունիստական կուսակցության համագումարը, որը երրորդ անգամ գլխավոր քարտուղար (փաստացի՝ Չինաստանի ղեկավար) է ընտրել Սի Ցզինպինին։

Կ. Խաչիկյան