Փաշինյանի իշխանությունն ընդդեմ «Շողակաթ» հեռուստաընկերության

Այսօր մեկնարկող Ազգային ժողովի նիստի օրակարգում ընդգրկված է «Տեսալսողական մեդիայի մասին» ՀՀ օրենքում փոփոխություն կատարելու մասին նախագիծը։ Մի քանի տող պարունակող այդ փաստաթուղթը ներկայացրել են ՔՊ-ական պատգամավորներ Սիսակ Գաբրիելյանն ու Թագուհի Ղազարյանը։ Օրինագիծը նախատեսում է, որ հանրային հեռարձակողների թիվը չի կարող պակաս լինել ոչ թե երեքից, ինչպես գործող օրենքում է, այլ՝ երկուսից։ Ընդ որում՝ հանվում է նաև կրթական-մշակութային ուղղվածության ծրագիր ունենալու պահանջը։

Սրանից, ինչպես նաև օրինագծի հիմնավորումից պարզ է դառնում, որ խոսքը հոգևոր-մշակութային «Շողակաթ» հեռուստաընկերությունից հրաժարվելու և այն հանրային հեռարձակողների շարքից դուրս թողնելու մասին է։ Լրագրողական կազմակերպությունները հայտարարություն են տարածել՝ դատապարտելով միակ հոգևոր-մշակութային հեռուստաալիքի դեմ իրականացվող գործողությունները, բայց Փաշինյանի իշխանությունն անդրդվելի է։
Որպեսզի փակեն «Շողակաթը», հարվածեն Հայ Առաքելական Եկեղեցուն, թույլ չտան այդ ալիքով ընդդիմադիր որևէ խոսք, նախկին լրագրող Սիսակն ու նախկին գրականագետ Թագուհին ներկայացրել են խայտառակ այդ օրինագիծը։

Անի Մեհրաբյան