Կալինինգրադ, Մերձդնեստր, Սերբիա – «Ռիբար»-ի հիմնադիրը թվարկել է նոր սրման կետերը

Բացի Հատուկ ռազմական գործողության գոտուց, Ռուսաստանը բազմաթիվ «ցավոտ կետեր» ունի, որոնց վրա Արևմուտքը ճնշում կգործադրի։ Այս մասին «Ինֆոցելինա» տեսաբլոգում հայտարարել է «Ռիբար» Telegram ալիքի հիմնադիր և Ռուսաստանի պաշտպանության նախարարության մամուլի ծառայության նախկին աշխատակից Միխայիլ Զվինչուկը, գրում է politnavigator.news-ը։

«Մասնավորապես Բալթյան երկրները. վստահ եմ, որ առաջին սրացումը Կալինինգրադի շրջանի շուրջ կլինի... Մերձդնեստրն է մեր խոցելի կետը, որտեղ մենք այս պահին ոչինչ չենք կարող անել, քանի որ օդային երթևեկություն չկա և մեր զորքերի համար անհնար է հասնել Մերձդնեստր։

Մեկ այլ ցավոտ կետ է Բալկանները՝ Սերբիան և Սերբական Հանրապետությունը, որոնց մենք նույնպես այս պահին ոչ մի կերպ չենք կարող օգնել, քանի որ չունենք հաղորդակցության կապեր։

Մենք հաջողությամբ կորցրեցինք Չեռնոգորիայի հետ բարեկամական հարաբերությունները դեռևս 2020 թվականին։ Այսպիսով, ի՞նչ է մեզ մնացել Եվրոպայում։ Ոչինչ։ Պարզապես չորս ցավոտ կետ, որոնք կճնշվեն։

Անկայունության մեկ այլ գոտի Հարավային Կովկասում է։ Մեր «ռազմավարական դաշնակից» Ադրբեջանը հիմա ցույց է տվել իր իրական դեմքը։ Ադրբեջանը, եթե նայենք տնտեսությանը և բոլոր վերջին համաձայնագրերին, սերտորեն կապված է Մեծ Բրիտանիայի հետ։ Եվ նրանք բրիտանացիների հետ իրականացնում են հակառուսական հսկայական թվով նախագծեր։

Հայաստանը՝ Նիկոլ Փաշինյան - Պետդեպարտամենտի գործակալ, Սորոսի ծրագրերի շրջանավարտ։ Մենք նաև տեսնում ենք, թե հիմա ինչի է վերածվում Հայաստանի արտաքին քաղաքականությունը։ Պարզվում է, որ երկու երկիր՝ մեր երդվյալ թշնամի Թուրքիայի հարևան, այժմ... միավորվել են Ռուսաստանի դեմ», - հայտարարել է Զվինչուկը։

Իրավիճակն ավելի լավ չէ նաև Կենտրոնական Ասիայում, որտեղ Ղազախստանը, Ուզբեկստանը և Թուրքմենստանը, փորձագետի խոսքով, նույնպես գտնվում են բրիտանական և թուրքական ազդեցության տակ և ավելի ու ավելի են հեռանում Ռուսաստանից։

Նյութը հրապարակման պատրաստեց՝ Կամո Խաչիկյանը
www.1or.am