Ջաբարով. Հայաստանը Ռուսաստանի դաշնակիցն է

ՌԴ Դաշնության խորհրդի միջազգային հարաբերությունների հանձնաժողովի նախագահի առաջին տեղակալ Վլադիմիր Ջաբարովը հայտարարել է, որ Հայաստանը մնում է Ռուսաստանի դաշնակիցը, և ժամանակը ցույց կտա դա։ Նա այդ հայտարարությունն արել է Մոսկվա-Մինսկ-Աստանա-Երևան-Տաշքենդ-Թբիլիսի տեսակոնֆերանսի ժամանակ, գրում է tsargrad.tv–ն։

Սենատորը ընդգծել է առանց ավելորդ հույզերի Հայաստանի արտաքին քաղաքականության ընտրության հանգիստ քննարկման անհրաժեշտությունը։ Նա նշել է, որ երբ առաջին անգամ քննարկվել է Երևանի Եվրամիությանը միանալու հնարավորությունը, Ռուսաստանի փոխվարչապետ Ալեքսեյ Օվերչուկը հստակ է արտահայտել  Մոսկվայի դիրքորոշումը՝ «կամ եվրասիական ինտեգրացիա, կամ եվրոպական ինտեգրացիա»։ Ջաբարովը նաև նշել է, որ Հայաստանն ունի բոլոր իրավունքները ինքնուրույն որոշելու իր արտաքին քաղաքականության ուղվածությունը։ Խորհրդարանականը նաև մեջբերել է Հունգարիայի վարչապետ Վիկտոր Օրբանի վերջին հայտարարությունները, որոնցում նա զգուշացրել է Եվրամիությունում լուրջ ներքին ճգնաժամի վտանգի մասին, եթե ներկայիս միտումները շարունակվեն։ «Եթե ամեն ինչ այսպես շարունակվի, ԵՄ-ն կարող է պարզապես փլուզվել, - նշել է Ջաբարովը մեկնաբանելով Օրբանի խոսքերը,– հետևաբար, միանալ մի կազմակերպության, որը ապրում է լճացում և բազմաթիվ հակասություններ ունի մեղմ ասած, տարօրինակ քայլ է թվում, ընդ որում Եվրասիական միությունը հաջողությամբ զարգանում է»:

Սենատորը վստահություն է հայտնել, որ իրադարձությունների ընթացքը կորոշի կատարված ընտրության ճիշտ լինելը: «Կյանքն ամեն ինչ իր տեղը կդնի: Մենք սպասում ենք Հայաստանի խորհրդարանական ընտրություններին: Հայաստանը մեր դաշնակիցն է, և մենք չափազանց շատ կապեր ունենք», - ընդգծել է նա:

ԵԱՏՄ-ից Հայաստանի հնարավոր դուրս գալու վերաբերյալ քննարկումները սկսվել են այն բանից հետո, երբ երկրի խորհրդարանը 2025 թվականի մարտի 26-ին ընդունեց Եվրամիությանը միանալու մտադրության մասին օրինագիծ, չնայած Եվրամիությունը անդամակցության առաջարկ չի ներկայացրել:  Ընդդիմությունը այդ փաստաթուղթը որակել է որպես իրավականորեն աբսուրդային: Վարչապետ Նիկոլ Փաշինյանը բացատրել է, որ Եվրամիությանը միանալու որոշումը չի կարող կայացվել առանց հանրաքվեի: Նա նաև խոստովանել է, որ պատկերացնում է երկիրի ԵՄ-ին միանալը 20 տարի անց:

Մասնագետների կարծիքով, Հայաստանի հնարավոր դուրս գալը ԵԱՏՄ-ից կարող է հանգեցնել համախառն ներքին արդյունքի 30-40% անկման, որը կուղեկցվի դժվարին անցումային շրջանով և անդամ պետությունների կողմից հնարավոր սահմանափակումներով։

Նյութը հրապարակման պատրաստեց՝ Կամո Խաչիկյանը
www.1or.am