«Քոչարյանը լիովին ճիշտ է». Հայաստանում կարո՞ղ է կրկնվել մոլդովական սցենարը. «Փաստ»

«Փաստ» օրաթերթը գրում է.

sputnik-ossetia.ru-ն «Քոչարյանը ճիշտ է. փորձագետը չի բացառել, որ Հայաստանը կարող է մոլդովական սցենարը կիրառել ընտրություններում» վերնագրով հոդվածում գրում է, որ Հայաստանի նախկին նախագահ Ռոբերտ Քոչարյանը հայտարարել է, թե Հայաստանի ներկայիս իշխանությունները անպայման կօգտագործեն մոլդովական սցենարը խորհրդարանական ընտրություններում: Նրա խոսքով, երկիրը չունի հնարավորություն քվեարկություն կազմակերպել արտասահմանում, հակառակ դեպքում պատկերը այլ կլիներ, բայց պետք է հիշել ընտրակեղծիքների վտանգի մասին: «Մոլդովական սցենար ասելով՝ նա ակնհայտորեն նկատի ունի վերջին տարիներին Մոլդովայում տեղի ունեցած ընտրությունները, այդ թվում՝ վերջինը, երբ իշխանությունների համար անհարմար թեկնածուներն ու կուսակցությունները զանգվածաբար հանվեցին գրանցումից, և երբ տեղի ունեցավ ընտրությունների աշխարհագրության լայնածավալ մանիպուլ յացիա: Այսինքն, ԵՄ–ում բացվեցին մեծ թվով ընտրատեղամասեր, իսկ Ռուսաստանում պարզապես բավարար թվով նման ընտրատեղամասեր չկային», - sputnikossetia.ru-ին տված հարցազրույցում ասել է քաղաքագետ Նիկոլայ Սիլաևը:

Նա նաև նշել է քաղաքական հակառակորդների վրա իրավապահ համակարգի, ոստիկանության և դատարանների միջոցով գործադրվող ճնշումը։ «Քոչարյանը լիովին ճիշտ է։ Իհարկե, նրանք կփորձեն այդ ամենը օգտագործել Հայաստանում, հատկապես որ շատ մեխանիզմներ, ինչպես, օրինակ՝ ընդդիմության վրա ճնշումն առնվազն շատ տարօրինակ դատական որոշումների միջոցով, արդեն փորձարկվել են։ Հետևաբար, կա իշխանությունների կողմից մանիպուլ յացիաների բարձր ռիսկ, որը կազդի ընտրությունների արդյունքի վրա», - կարծիք է հայտնել փորձագետը։

Նրա կարծիքով, ընդդիմությունը հնարավորություն ունի մրցակցելու գործող կառավարության հետ ընտրություններում, իշխանությունները քիչ լծակներ ունեն, քանի որ այն, ինչ նրանք ստորագրել են ԱՄՆ–ում, դեռևս չի կարելի խաղաղություն անվանել։

«Ադրբեջանի հետ խաղաղության պայմանագիրը դեռևս չի ստորագրվել, և, բնականաբար, այն չի վավերացվել: Դրա ճակատագիրն, ըստ էության, կախված է նրանից, թե արդյո՞ք Հայաստանի իշխանությունները կկարողանան փոփոխություններ կատարել Սահմանադրությունում և ընդունել նորը: Դա հեշտ գործ չէ, և չի կարելի ասել, որ ընտրություններից առաջ մնացած ժամանակահատվածում Փաշինյանը և նրա կառավարությունը կկարողանան ընտրողներին համոզել, որ խաղաղություն են բերել: Այսպիսով, ընդդիմությունը լավ հնարավորություն ունի», - ասել է Սիլաևը։

Նրա խոսքով, Փաշինյանի նկատմամբ հանրային վստահությունը նվազում է, բայց պարզ չէ, թե արդյո՞ք դա կհանգեցնի ընդդիմության ազդեցության աճի։ Նա նաև նշել է, որ արևմտյան երկրների, այդ թվում՝ ԱՄՆ–ի միջամտությունն արդեն իսկ տեղի է ունենում: «Կան ապացույցներ, որ Հայաստանի կառավարության հանրային հաղորդակցությունները կառավարվում են ամերիկյան ընկերությունների կողմից՝ օգտագործելով ամերիկյան միջոցներ։ Ավելացրեք դրան ԵՄ–ի կողմից ներդրված գումարը և սոցիալական ցանցերի հարթակները մանիպուլ յացիայի ենթարկելու հնարավորությունները։ Այսպիսով, այդ միջամտությունը գոյություն ունի, այն կշարունակվի, և, իհարկե, ԵՄ–ն առնվազն ամեն կերպ կաջակցի ներկայիս կառավարությանը», - ասել է քաղաքագետը։

Մանրամասները՝ «Փաստ» օրաթերթի այսօրվա համարում