Հայաստանի իշխանությունները «չեղարկել» են ակադեմիական աստիճանները
ՔԱՂԱՔԱԿԱՆՈՒԹՅՈՒՆ
ՀՀ-ում այլևս պրոֆեսորներ և դոցենտներ չեն լի,նի. երկրի իշխանությունները միավորել են գիտական հիերարխիան կարգավորող մի քանի օրենքներ նոր փաստաթղթում թողնելով միայն թեկնածուի և դոկտորական աստիճանները, ինչը մեծապես սահմանափակում է նրանց հնարավորությունները, գրում է vestikavkaza.ru–ն։
Մեկ օրենսդրական ակտով Հայաստանի իշխանությունները ակադեմիական աստիճաններ շնորհելու գործընթացը թողնելով առանց իրավական հիմքի երկրի գիտական հանրությանը զրկել են պրոֆեսորի և դոցենտի կոչումներից։ Նոր օրենքը պահպանելով միայն թեկնածուի և դոկտորական աստիճանները միավորել է նախկինում գործող «Բարձրագույն և հետբուհական մասնագիտական կրթության մասին», «Գիտական և գիտատեխնիկական գործունեության մասին» և «Գիտությունների ազգային ակադեմիայի մասին» օրենքները։ «Սխալմամբ, թե դիտավորյալ, ակադեմիական կոչումներին վերաբերող բոլոր հոդվածները բացառվել են։ Այժմ Հայաստանի օրենսդրության մեջ չկա որևէ փաստաթուղթ, որը սահմանի, թե ով է պրոֆեսորը կամ դոցենտը, և յուրաքանչյուր ոք, ով ուներ թեկնածուի կամ դոկտորական աստիճան, կդառնա դոկտոր», - բացատրել է կրթության փորձագետ Ատոմ Մխիթարյանը։
Փաստաթուղթը փաստացիորեն փակում է երիտասարդ գիտնականների կարիերայի առաջխաղացումը զրկելով նրանց խթաններից, ավելացրել է փորձագետը։
Մեկ այլ խնդիր է այն, որ նոր օրենքը փաստացի զրկում է հայ գիտնականներին միջազգային ասպարեզում մրցելու և որոշակի պաշտոնների համար արտերկրում դիմելու հնարավորությունից, քանի որ նրանց դոկտորական կարգավիճակը պահանջված կլինի, նշել է փորձագետը։
Հայաստանը դեռևս հնարավորություն ունի լուծելու այդ խնդիրը փոփոխելով օրենքը, որը դեռևս ուժի մեջ չի մտել։ Հակառակ դեպքում, ոչ մի ենթաօրենսդրական ակտ, ինչպես նաև որևէ կառավարության որոշում չի կարողանա շտկել իրավիճակը, հավելել է Ատոմ Մխիթարյանը։
Նյութը հրապարակման պատրաստեց՝ Կամո Խաչիկյանը
