Ռուսաստանի արտաքին գործերի նախարարությունում պատասխանել են, թե արդյո՞ք կա սպառնալիք Հայաստանի և Ադրբեջանի ԱՊՀ-ին անդամակցության դադարեցման
ՔԱՂԱՔԱԿԱՆՈՒԹՅՈՒՆ
Այսօր Մոսկվան հետևում է Երևանի և Բաքվի միջև հարաբերությունների կարգավորմանը, ասել է Ռուսաստանի արտաքին գործերի փոխնախարար Ալեքսանդր Պանկինը։ Այդ կերպ նա պատասխանել է այն հարցին, թե արդյո՞ք կա սպառնալիք Հայաստանի և Ադրբեջանի ԱՊՀ-ին շարունակական անդամակցությանը։ Դիվանագետը հիշեցրել է, որ Համագործակցությանը պատկանելը կամավոր է, գրում է news.ru-ն։
«Ումի՞ց սպառնալիքներ։ Ու՞մ համար և ո՞ւմից։ Իրականում ԱՊՀ-ին անդամակցությունը կամավոր է։ Ես չգիտեմ, թե որտեղից է առաջացել «սպառնալիք» բառը։ Սա պետությունների ազատ միավորում է։ Ավելին, մենք տեսնում ենք Հայաստանի և Ադրբեջանի միջև հարաբերությունների կարգավորումը», – պատասխանել է Պանկինը։
Նա նշել է, որ Հայաստանն ու Ադրբեջանը հաճախ են միանում տարբեր մակարդակներում ընդունված համատեղ հայտարարություններին և փաստաթղթերին։ Պանկինը նաև հույս է հայտնել, որ երկրների միջև հարաբերությունների կարգավորումը դրական գործոն կդառնա ԱՊՀ-ին նրանց հետագա մասնակցության համար։
Ավելի վաղ Ռուսաստանի արտաքին գործերի նախարար Սերգեյ Լավրովը կոչ էր արել ուշադիր հետևել, թե ինչպես է գործնականում գործելու ԱՄՆ-ում Հայաստանի և Ադրբեջանի միջև ձեռք բերված համաձայնագիրը։ Նա նշել էր, որ սկզբնական դրական արձագանքները զիջել են իրավիճակի վերաբերյալ ավելի զուսպ և սկեպտիկ գնահատականներին։
Նյութը հրապարակման պատրաստեց Կամո Խաչիկյանը
