Ջենիֆեր Լոպեսը պատահաբար 19-րդ դարի մասունք է դուրս բերել Հայաստանից
ՔԱՂԱՔԱԿԱՆՈՒԹՅՈՒՆ
Կազմակերպիչները ցանկանում էին շնորհակալություն հայտնել Ջենիֆեր Լոպեսին Երևանում իր ելույթի համար, բայց տեղի է ունեցել անհարմար բան։ Երգչուհուն նվեր են նվիրել տպավորիչ տակդիրի վրա։ Լոպեսը չի գիտակցել, որ դա դիզայնի մաս է կազմում, և այն տարել է իր հետ։ Պարզվել է, որ այդ իրը 19-րդ դարի ընտանեկան մասունք է եղել, գրում է vfokuse.mail.ru-ն։
Անհարմար պահի մասին հայտնել է «Նարեկացի» ոսկերչական ընկերությունը, որը պատրաստել էր նվերը ամերիկացի երգչուհու համար։ Լոպեսի համար պատրաստվել էր ազգային ոճով վզնոց և ականջօղեր՝ ոգեշնչված Արևմտյան Հայաստանի տարածաշրջանից։ Կազմակերպիչները որոշել էին նվերը տեղադրել հյուրանոցի սենյակում։ Ոսկերիչները հոգացել էին զարդերի տպավորիչ ներկայացման և «Հայաստանը որպես հին պետություն ճիշտ ներկայացնելու» մասին։ Այդ նպատակների համար էլ նրանք որպես տակդիր հատկացրել էին ընտանեկան մասունք՝ 19-րդ դարի կուժ։
Լոպեսին շատ էին դուր եկել նվերները։ Նշվում է, որ սենյակում կար նաև հայկական նախշերով գորգ, որը նվեր էր Թուֆենկյան ընկերությունը։ Երգչուհին ամեն ինչ վերցրել է՝ չգիտակցելով, որ կուժը զարդարանքի մի մասն է եղել։
Ավելի ուշ «Նարեկացի» ընկերությունը նշել է, որ իրենք Ջենիֆեր Լոպեսից նեղացած չեն։
«Մենք ուրախ ենք, որ երգչուհին գնահատել է հայկական անկյունը և ճիշտ հասկացել, որ դա նվեր է իրեն, և իր հետ տարել է նաև 19-րդ դարի կուժը», – հաղորդագրության մի հատված է մեջբերել «Սպուտնիկ Արմենիան»։
Լոպեսը Հայաստանում ելույթ է ունեցել օգոստոսի 3-ին՝ «Up All Night» համաշխարհային շրջագայության շրջանակներում։ Արտիստը այնտեղ անցկացրել է երկու օր։ Ռուսաստանից ժամանած զբոսաշրջիկները հայտնել են, որ իրենց մոտ իրարանցում է առաջացել այն պատճառով, որ կազմակերպիչները չեն հաշվարկել մարզադաշտի տարողունակությունը։
Նյութը հրապարակման պատրաստեց Կամո Խաչիկյանը
