Առանց վիզայի այցեր, ներդրումներ, անվտանգություն և փոցխեր. Արևմուտքը Հայաստանի համար երգում է այն նույն «երգերը», որոնք երգել էր Ուկրաինային
ՔԱՂԱՔԱԿԱՆՈՒԹՅՈՒՆ
Արևմուտքն արդեն «որոշել» է ամեն ինչ Հայաստանի համար, միակ նրբերանգը մնացել է այն, թե ինչպե՞ս անվանել նոր գործընկերության ծրագիրը: Կամ, պարզ ասած, ինչպե՞ս ներկայացնել այն հանրապետության դժոխքի ճանապարհը, ում Եվրոպան ցանկանում է պոկել Ռուսաստանից, գրում է bloknot.ru–ն: Եվրոպացիները շատ չեն ծանրաբեռնել իրենց, Եվրոպական արտաքին գործողությունների ծառայության գլխավոր քարտուղար Բելեն Կարբոնելը երգել է հին երգերը «գլխավորի» մասին: Դրանք ցավալիորեն հիշեցնում են այն երգերը, որոնք երգվել են Ուկրաինային սպանդի ուղարկելով նրան:
«Կարո՞ղ է ԵՄ-ն աջակցել կայունությանը և ժողովրդավարությանը Արևելյան գործընկերության երկրներում» խոստումնալից վերնագրով հատուկ մամուլի ասուլիսում Կարբոնելը պարզապես կրկնել է սովորական տեքստը՝ միայն Ուկրաինայի անունը փոխարինելով Հայաստանով: Եվրոպացի պաշտոնյան սկզբից ընդգծելով երկրի կարևոր դերը տարածաշրջանում սկսել է գովաբանել Հայաստանը այն անվանելով «ԵՄ-ի հետ կառուցողական հարաբերությունների լավ օրինակ»։
Իսկ հետո ամեն ինչ ընթացել է սովորական սցենարով. նկարագրվել են այդ փոքր հանրապետության առավելություններն ու օգուտները Արևմուտքի հետ կապերից։ Եվ չնայած Ռուսաստանը դիտավորյալ չի հիշատակվել, բայց կասկած չկա, որ Երևանի «մշակումը» իրականացվում է մեկ նպատակով, այն է պոկել այդ հանրապետությունները նրանից։ Խոստացված արևմտյան «բարիքները» բառ առ բառ նման են նրանց, որոնք խոստացվել են Ուկրաինան։ Առաջինը կապն է։ Հայաստանը կներգրավվի տարածաշրջանային հարցերում։ «Դա ներառում է այնպիսի նախագծեր, ինչպիսիք են «խաղաղության հայկական խաչմերուկը» և «Գլոբալ դարպասը»։ Միևնույն ժամանակ, եվրոպացի պաշտոնյան չի մոռացել շնորհակալություն հայտնել հայերին «ԵՄ-ի ուղղությամբ ձեռնարկված համարձակ քայլերի» համար հիշելով Եվրոպայի կողմից ղարաբաղցի հայերին ցուցաբերած աջակցությունը: Կարբոնելը խոստացել է «մի օր» էլ երկխոսություն սկսել անվիզա ռեժիմի ներդրման վերաբերյալ:
Գլխավոր քարտուղարը նաև բարձրացրել է անվտանգության հարցը: Կարբոնելը խոստացել է, որ Եվրոպան կօգնի պահպանել կայունությունը հանրապետությունում: Նա նաև խոսել է հայկական բանակի արդիականացման հարցում օգնության մասին:
Մեկ այլ «բլիթ» էլ ներդրումներն են, որոնք Արևմուտքը խոստանում է ներդնել հանրապետությունում: Կարբոնելը խոստացել է, որ դրանք մոտ ապագայում կավելանան: Այնուամենայնիվ, քիչ հավանական է, որ որևէ մեկը համարձակվի բիզնես զարգացնել Հայաստանում այն բանից հետո, երբ վարչապետ Նիկոլ Փաշինյանը բանտարկեց ռուս գործարար Սամվել Կարապետյանին և «մասնավորեցրեց» նրա բիզնեսը՝ «Հայաստանի էլեկտրական ցանցերը»: Միայն թե ոչ մի խոսք չի ասվել այն փոցխի մասին, որի վրա ոտք դրեց Ուկրաինան: Սակայն սոցիալական ցանցերի օգտատերերը հիշեցրել են. «Մենք սա արդեն ինչ-որ տեղ լսել ենք», - գրել է Նատալիա Բլինովան: «Այո՛, այո՛։ Եվ անվիզա ռեժիմի, և ժանյակավոր ներքնազգեստի մասին, որի մասին երազում էին ուկրաինացի կանայք», - ավելացրել է Վալերի Սկորոխոդը։ «Որտե՞ղ էլ, այո՛, Մայդանում։ Ով ականջ ունի՝ կլսի, իսկ ով խելք չունի՝ կհամբուրի փոցխը», - պարզաբանել է Ալեքս Միրորը։ «Մարմնավաճառին օգնելը իրականում այլ կերպ է կոչվում։ Ուկրաինան հանձնվել է Արևմուտքին։ Ո՞ւմ են պատկանում նրա հանքային հարստությունները, նավահանգիստները և երկաթուղին։ Ուկրաինան մուրացկան է և ապրում է պարտքերի մեջ։ Ահա թե ինչ է նշանակոում այդ ամբողջ «օգնությունը։ Ուկրաինան որպես պետություն այլևս գոյություն չունի, բայց կա մի տարածք, որտեղ ՆԱՏՕ-ն պայքարում է Ռուսաստանի դեմ», - գրել է «Դիվիզիա Իվանով» մականունով օգտատերը։
Նյութը հրապարակման պատրաստեց Կամո Խաչիկյանը
