Արեգակի վրա M դասի բռնկում է տեղի ունեցել

Այսօր Արեգակի վրա գրանցվել է նախավերջին հզորության՝ M դասի բռնկում, հայտնել են ՌԴ Կիրառական երկրաֆիզիկայի ինստիտուտում:

«Օգոստոսի 3-ին, Մոսկվայի ժամանակով ժամը 16:57-ին, գրանցվել է 11 րոպե տևողությամբ M2.9 բռնկում», - հայտնել է ինստիտուտը:

Արեգակնային բռնկումները բաժանվում են հինգ դասի՝ կախված ռենտգենյան ճառագայթման հզորությունից՝ A, B, C, M և X: Բռնկումները կարող են ուղեկցվել արեգակնային պլազմայի արտանետումներով, որոնց ամպերը, հասնելով Երկիր, կարող են մագնիսական փոթորիկներ առաջացնել։