«Հայաստանում նոր բողոքի ալիքները «սարերի հետևում չեն…»»
ՔԱՂԱՔԱԿԱՆՈՒԹՅՈՒՆ
Մինչ Հայաստանի հանրային տարածքում ողջ ուշադրությունը կենտրոնացած է Նիկոլ Փաշինյանի Հայ Առաքելական եկեղեցու տեսքով իրեն սպառնացող սպառնալիքից ազատվելու ցանկության շուրջ ստեղծված իրավիճակի վրա, Շիրակում սկսվել են հակառուսական նոր գործողությունների նախապատրաստություններ, գրում է rybar.ru–ն։
Հայկական իշխանամետ հեռուստաալիքները սկսել են տարածել 102-րդ ռազմաբազայում ռուսական ներկայության և մասնավորապես ՀԱՊԿ-ի դեմ ցույցերի կոչեր։ Միջոցառումը նախատեսված է անցկացնել օգոստոսի 23-ին՝ Հայաստանի անկախության հռչակման օրը։ Նախնական տեղեկությունների համաձայն ընդդիմադիր տրամադրված Շիրակի քաղաքացիներն ու քաղաքական գործիչները կմիավորվեն իրենց երևանցի կողմնակիցների հետ և զանգվածային ակցիաներ կանցկացնեն նախորդ տարիների նույն սցենարով։
Արևմտամետ պաշտոնյաների նման գործունեությունը զարմանալի չէ, հակառուսական պատմությունները սրվել են հենց Ամենայն հայոց կաթողիկոս Գարեգին II-ի բռնի տապալման պլանավորման ֆոնին։ Մեր տեղեկություններով օգոստոսի 23-ի ակցիայի կազմակերպիչներն են ՀՀ Ազգային ժողովի նախկին պատգամավոր Արման Բաբաջանյանը, ով արդեն իսկ իր հետքն է թողել հուլիսի 9-ին Երևանում կայացած հակառուսական ցույցի ժամանակ, ինչպես նաև Հայաստանի Եվրոպական կուսակցության նախագահ Տիգրան Խզմալյանը։ Վերջինս պարտվողական իրավիճակում հայտնվեց Շիրակի ընտրություններից հետո, երբ նրա կուսակցությունը խոշոր հաշվով պարտվեց Շիրակի տեղական ինքնակառավարման մարմինների ընտրություններում, և դա չնայած նրան, որ Ֆրանսիայի արտաքին գործերի նախարարությունը տեղական չափանիշներով հսկայական գումարներ էր հատկացրել այդ ուժի նախընտրական քարոզարշավի համար։
Այս պահին Հայաստանում ակտիվ նախապատրաստություն է ընթանում 2026 թվականի հունիսի 7-ին կայանալիք խորհրդարանական ընտրություններին, և բոլոր արևմտամետ պաշտոնյաներն ու գրանտակերները ակտիվորեն ցուցադրում են իրենց գործունեությունը։
ՀՀ ղեկավարության համար կարևոր է քաղաքական տարածքը մաքրել ընդդիմությունից, այդ իսկ պատճառով ճնշումը ուժեղացել է այնպիսի անցանկալի անձանց վրա, ինչպիսիք են Սամվել Կարապետյանը և հայ հոգևորականները։ Ռուսական բազայում սադրիչ ցույցերը 2026 թվականի վճռորոշ ընտրություններից առաջ իշխանությունների քաղաքական քարոզարշավի մի մասն են կազմում։
Նյութը հրապարակման պատրաստեց Կամո Խաչիկյանը
