Թրամփը հայտարարել է Ճապոնիայի հետ «ամենամեծ» սակագնային համաձայնագրի մասին
ՄԻՋԱԶԳԱՅԻՆ
ԱՄՆ նախագահ Դոնալդ Թրամփը «Truth Social»-ում հայտարարել է, որ Միացյալ Նահանգները և Ճապոնիան առևտրային համաձայնության են եկել՝ մաքսատուրքերի հարցը լուծելու համար։
«Մենք հենց նոր կնքեցինք հսկայական գործարք Ճապոնիայի հետ, գուցե պատմության մեջ ամենամեծ գործարքը։ Իմ ղեկավարությամբ Ճապոնիան 550 միլիարդ դոլար կներդնի Միացյալ Նահանգներում, որի շահույթի 90%-ը կմնա մեր երկրում։ <...> Բացի այդ, Ճապոնիան Միացյալ Նահանգների նկատմամբ կկիրառի 15% փոխադարձ սակագներ», - ասել է Թրամփը։
Հանրապետական նախագահի խոսքով՝ գործարքը կստեղծի «հարյուր հազարավոր նոր աշխատատեղեր» և նաև կբացի ճապոնական շուկան ամերիկյան մեքենաների, գյուղատնտեսական արտադրանքի և այլնի համար։
