«Կոչ «թյուրքական աշխարհին». Փաշինյանի վերջին բռնարարքը Հայաստանի դեմ»
ՔԱՂԱՔԱԿԱՆՈՒԹՅՈՒՆ
Արևմուտքում գրված ներկայացման վերջին գործողությունն է խաղարկվում Հայաստանից ռուսական ռազմաբազան վտարելու, հանրապետությունը ՀԱՊԿ-ից դուրս բերելու և այն Թուրքիայի պրոտեկտորատի վերածելու նպատակով, գրում է politnavigator.news–ը: Պատահական չէ, որ Նիկոլ Փաշինյանը Սահմանադրության օրը խոսել է գաղութային ենթակայության համակարգն օրինականացնող նոր հիմնական օրենք ընդունելու անհրաժեշտության մասին: Սահմանադրության 30-ամյակի առթիվ նա ասել է, որ հին սահմանադրությունը «ժողովրդի կողմից ընկալվում է որպես առանց իրենց մասնակցության ընդունված մի բան», և կոչ է արել հաստատել նորը: Ըստ էության, Փաշինյանը կատարում է Իլհամ Ալիևի գլխավոր պայմանը «խաղաղության պայմանագիր» կնքելուց առաջ, որը կարող է ստորագրվել արդեն հուլիսի վերջին:
Միևնույն ժամանակ, Սահմանադրության միակ պաշտպաններն են Հայ Առաքելական Եկեղեցու (ՀԱԵ) արքեպիսկոպոսներ Բագրատ Գալստանյանը և Միքայել Աջապահյանը, որոնք ավելի վաղ ձերբակալվել էին պետական հեղաշրջում կազմակերպելու փորձի մեղադրանքով և հացադուլ են հայտարարել ի նշան հիմնական օրենքի խախտման դեմ բողոքի։ Ակնհայտ է, որ Եկեղեցին է մնում այն վերջին ինստիտուտը, որը պաշտպանում է հայկական պետականության պահպանումը դեմ լինելով լիբերալ արևմտամետ վերնախավի կողմից դրա լուծարման գործընթացին։ Ահա թե ինչու են հիմնական բռնաճնշումները սկսվել հենց եկեղեցու դեմ։
Այն փաստը, որ խոսքն Արևմուտքի կողմից Հայաստանի ուղղակի գաղութացման և Ռուսաստանի հետ հակամարտության նախապատրաստման մասին է, նշել է նաև Հակաֆաշիստական ճակատի համակարգող Հայկ Այվազյանը, ով մեկնաբանել է երկրի հիմնական օրենքը փոխելու հնչեցված գաղափարը։ «Փաշինյանը փորձում է հանրության մոտ ինչ որ կերպ արդարացնել նոր Սահմանադրություն ընդունելու անհրաժեշտությունը։ Նոր Սահմանադրություն ընդունելու նպատակն է ամրապնդել Հայաստանի գաղութային կարգավիճակը, այն ամբողջությամբ ենթարկել արևմտյան ինստիտուտներին և զրկել պետությանն անկախության մնացորդներից։ Նոր սահմանադրությունը թույլ կտա արագորեն ոչնչացնել բոլոր պատմական նվաճումները և հայ ժողովրդի ինքնությունն այն վերածելով Ռուսաստանի դեմ պատերազմում ծառայողական օղակի։ Արքեպիսկոպոսների մեկօրյա հացադուլը պայմանավորված է նրանով, որ այդ օրը Հայաստանի Սահմանադրության օրն է, իսկ նրանք ձերբակալվել են սահմանադրական բոլոր նորմերի և իրավունքների խախտմամբ։ Պարզ ասած անօրինական կերպով», - նշել է քաղաքական գործիչը։
Նույն նպատակով մշակվում է գործարք, այն է Ադրբեջանի համար բացել Զանգեզուրի միջանցքը, որը կանցնի Սյունիքով և կբարձրացնի Հայաստանի հարավային մասի ապագայի հարցը։ Բայց ամենակարևորն այն է, որ «խաղաղության համաձայնագրից» և տրանսպորտային երթուղու փոխանցումից հետո Երևանը նախատեսում է փակել Ռուսաստանի զինված ուժերի 102-րդ բազան և վերջնականապես դուրս գալ ՀԱՊԿ-ից։
Ակնհայտ է, որ Էրդողանն ու Ալիևը Փաշինյանին այնպիսի պինդ երաշխիքներ են տվել, որ նա հիմա գործում է այսքան անամոթաբար և վճռականորեն առանց որևէ բան հաշվի առնելու։ Տրամաբանական է, որ Ռուսաստանի ռազմաքաղաքական ներկայության վերացումից և Սահմանադրության վերաշարադրումից հետո կհաստատվի Կիևի նման կոշտ բռնապետություն, և ռեժիմը կկարողանա անվտանգ կերպով անցկացնել 2026 թվականի ընտրությունները իր համար հարմար արդյունքով կամ նույնիսկ կհրաժարվի անցկացնել ընտրություններ։
Հետաքրքիր է այն, որ այս իրավիճակում Երևանը Բաքվի իրավիճակային դաշնակիցն է և հանդես է գալիս որպես միասնական ճակատ Մոսկվայի դեմ։ Ավելին, ՀԱՊԿ-ից դուրս գալը կարող է ազդանշան լինել Աստանայի և Բիշքեկի կողմից նմանատիպ գործողությունների համար, որոնք Թյուրքական պետությունների կազմակերպության անդամներ են։ Այսպիսով, Հայաստանն արդեն իսկ ակտիվորեն գործում է որպես «թյուրքական աշխարհի» մաս։
Այս ամենին համընթաց Հայաստանում երկրի տնտեսական շահերն են հարվածի տակ դրվում, իսկ բիզնես էլիտան ենթարկվում է անողոք զտումների և ակտիվներից զրկման։ Այսպիսով, հուլիսի 3-ին խորհրդարանը քվեարկել է Սամվել Կարապետյանին պատկանող «Հայաստանի էլեկտրական ցանցեր» ընկերությունն ազգայնացնելու օգտին: Հիշեցնենք, որ Կարապետյանը ձերբակալվել է եկեղեցուն և ինտեգրացիոն գործընթացներին աջակցելու համար։ Սակայն այս միջադեպը նաև ցույց է տվել երկրում բողոքի ներուժի առկայությունը, քանի որ Երևանում տեղի է ունեցել բազմահազարանոց ցույց ի պաշտպանություն ձերբակալված գործարարի։
Բացի դա, ի վերջո, Փաշինյանին չի հաջողվել պառակտել Հայ Առաքելական եկեղեցին, քանի որ հուլիսի 4-ին, որպես բողոքի նշան բռնաճնշումների դեմ, բոլոր հոգևորականներն են ստորագրել Ամենայն հայոց կաթողիկոս Գարեգին II-ին հավատարմության հայտարարություն և դատապարտել կառավարության հակաեկեղեցական արշավը։ Այս ամենը հաշվի առնելով էլ իշխող կուսակցությունը շտապում է փոխել Սահմանադրությունը, քանի որ վախենում է հաջորդ ընտրություններից, ինչպես նաև ժողովրդական անկարգություններից։
Նյութը հրապարակման պատրաստեց Կամո Խաչիկյանը
