Ինչպե՞ս խուսափել սեռական կյանքում խնդիրներից

Տորոնտոյի համալսարանի հետազոտողները ուսումնասիրել են ամուսնական զույգերի սեռական կյանքի խնդիրները, որպեսզի ապացուցեն, որ ցանկությունն ու կիրքը կարելի է պահպանել՝ չնայած երկար տարիներ համատեղ կյանքին։ Հետազոտությանը մասնակցել է 2 հազար մարդ, ովքեր իրենց զուգընկերոջ հետ գտնվում են երկարաժամկետ հարաբերությունների մեջ։

 

Հետազոտողները մասնակիցներին հարցրել են իրենց սեռական կյանքի մասին ու թե որքանով են բավարարված։ Վերլուծության արդյունքում ստացված տվյալներից ելնելով՝ հետազոտողները հանգել են եզրակացության, որ զույգերի համատեղելիությունը կախված է հենց սեռական հարաբերություններից։

 

Նշվում է, որ եթե զույգն ունի խնդիր անկողնում, ապա ամուսնությունն այնքան էլ ամուր չէ։ Մասնագետները, սակայն, վստահ են, որ անկողնում առկա խնդիրները կարելի է լուծել անգամ ամենաբարդ իրավիճակներում։ Հոգեբանները զույգերին խորհուրդ են տալիս այս դեպքում չլռել անկողնում իրենց անբավարարվածության մասին։

 

Սեռական կյանքի խնդիրները պետք է լուծել, անհրաժեշտության դեպքում անգամ դիմելով մասնագետի օգնությանը։ 

Հոգեբանների խոսքերով, զույգերի հարաբերություններում շրջադարձային պահը հասունանում է 2-3 տարուց հետո։ Հենց այդ ժամանակ են զույգերը փորձում ինտրիգներ գտնել այլ տեղերում։

 

Այս խնդիրներից կարելի է խուսափել, եթե զույգերից երկուսն էլ հետաքրքրված են իրավիճակի լուծմամբ ու դրական տեղաշարժով, որի համար առաջին հերթին պետք է լինել անկեղծ միմյանց նկատմամբ ու միասին գտնել խնդրի լուծումը։