Թուրքահայ. Կովկասում Ռուսաստանի գերիշխանության դարաշրջանն ավարտվել է
ՔԱՂԱՔԱԿԱՆՈՒԹՅՈՒՆ
Միացյալ Նահանգները եզակի հնարավորություն ունի ամրապնդելու իր ազդեցությունը Հարավային Կովկասում, այդ թվում Հայաստանում։ Այդ մասին Հելսինկյան հանձնաժողովում հայտարարել է Թուրքիայի Մեծ Ազգային ժողովի նախկին անդամ, հայկական ծագում ունեցող Գարո Փայլանը, որի գործունեությունը Ռուսաստանում համարվել է անցանկալի, գրում է politnavigator.news–ը։
«Հարավային Կովկասը եզակի հնարավորություն է ներկայացնում ԱՄՆ շահերն առաջ մղելու համար։ Նպաստելով Հայաստանի և Ադրբեջանի միջև երկարատև խաղաղության հաստատմանը, համեմատաբար քիչ դիվանագիտական ծախսերով, դա սերնդում մեկ անգամ պատահող հնարավորություն է ամերիկյան առաջնորդության համար, քանի որ Միացյալ Նահանգները մրցում է Ռուսաստանի և Չինաստանի հետ այդ ռազմավարական կարևոր տարածաշրջանում ազդեցության համար, որը գտնվում է Եվրասիական էներգետիկ և առևտրային ուղիների խաչմերուկում», - կարծիք է հայտնել քաղաքական գործիչը։
Ըստ նրա Ռուսաստանն օգտագործել է Հայաստանի և Ադրբեջանի միջև հակամարտությունն իր ազդեցությունը ամրապնդելու համար։
«Այնուամենայնիվ, այսօր ռուսական գերիշխանության դարաշրջանն ավարտվում է։ Քանի որ Հայաստանն ու Ադրբեջանը ձգտում են ավելի մեծ ինքնավարության Մոսկվայից, և ԱՄՆ-ի ակտիվ ներգրավվածությունը կարևոր կլինի նրանց հաջողության համար», - ասել է Փայլանը։
Նա կարծում է, որ ԱՄՆ-ը պետք է ազդի Ադրբեջանի նախագահ Իլհամ Ալիևի վրա Հայաստանի հետ խաղաղության պայմանագիր ստորագրելու համար, հակառակ դեպքում կա ևս մեկ պատերազմի 80 %–անոց հավանականություն։
Փայլանը կողմ է Հայաստանի և Ադրբեջանի միջով՝ շրջանցելով Ռուսաստանը Եվրոպայից Կենտրոնական Ասիա «միջին տրանսպորտային միջանցքի» ստեղծմանը։
Նյութը հրապարակման պատրաստեց Կամո Խաչիկյանը
