Իմպիչմենտը Հայաստանում սարերի հետևում չէ
ՔԱՂԱՔԱԿԱՆՈՒԹՅՈՒՆ
«Իմպիչմենտ» բառն անձամբ է ծանոթ ՀՀ վարչապետ Նիկոլ Փաշինյանին։ Դեռևս 2007 թվականին, երբ նա գտնվում էր քաղաքական էլիտայի ծայրամասում և ցանկանում էր ուշադրություն գրավել, առաջարկեց ստեղծել «Իմպիչմենտ» դաշինքը։ Այն ներառում էր միկրոկուսակցություններ՝ «Ժողովրդավարական Հայրենիքը», «Պահպանողական կուսակցությունը», ապա դրանք միավորվեցին «Հայ ազգային կոնգրեսի» կազմի մեջ, գրում է argumenti.ru–ն։
Այդ եռյակը պահանջեց ՀՀ նախագահ Ռոբերտ Քոչարյանի, ինչպես նաև վարչապետ Սերժ Սարգսյանի, հրաժարականները «պետական դավաճանության և այլ ծանր հանցագործությունների համար»։ Բայց թե ինչպիսի՞ պետական դավաճանության մասին էր խոսքը, դեռ հիմա էլ պարզ չէ։ Հիշեցնենք, որ 2007 թվականի խորհրդարանական ընտրություններում «Իմպիչմենտ» դաշինքը հավաքեց ձայների ընդամենը 1.29 %-ը (18 հազարից էլ պակաս ընտրող) և, համապատասխանաբար, զբաղեցրեց 12-րդ տեղը։ Քվեարկության արդյունքներն իմանալով զայրացած Փաշինյանն անմիջապես շտապեց հրապարակ ժողովրդին զարմացնելու ևս մեկ բացահայտմամբ. ընտրությունները կեղծվել են, և պահանջվում են նոր ընտրություններ։
Անցան տարիներ։ Այն, ինչ տեղի ունեցավ, տեղի ունեցավ, և «իմպիչմենտ» բառը կրկին դարձավ ժողովրդական, բայց հիմա ամենասուր քննադատությունն ուղղված է «Իմպիչմենտ» քաղաքական դաշինքի հիմնադիր Նիկոլ Փաշինյանին։
Այնուամենայնիվ իմպիչմենտի հաջող կազմակերպման համար անհրաժեշտ է ընդդիմության միասնությունը, իսկ ընդդիմադիր դաշտում խառնաշփոթ և անկայունություն է։ Ժամանակն է հիշել Կռիլովի «Կարապը, խեցգետինը և գայլաձուկը» առակը:
Ամեն ինչ գնում է դեպի այն, որ հայկական ընդդիմությունը կհասնի «Իմպիչմենտ» քաղաքական դաշինքի նույն հաջողությանը։ Հայաստանի ընդդիմադիր խորհրդարանական «Պատիվ ունեմ» խմբակցությունը, որը կապված է հանրապետության երրորդ նախագահ Սերժ Սարգսյանի հետ, որոշել է ինքնուրույն սկսել երկրի վարչապետ Նիկոլ Փաշինյանի դեմ իմպիչմենտի գործընթացը և ցանկանում է նրա փոխարեն առաջարկել Մասիս քաղաքի քաղաքապետ Դավիթ Համբարձումյանի թեկնածությունը։ Բայց անկախ պատգամավորներ Հակոբ Ասլանյանը և Հովիկ Աղազարյանը հրաժարվել են ճանաչել այդ թեկնածությունը միայն այն հիմքով, որ Մասիսի քաղաքապետը մոտ է հանրապետության երկրորդ և երրորդ նախագահներին, և ներկայացրել են այլընտրանքային առաջարկ, այն է քննարկել Էդմոն Մարուքյանի թեկնածությունը, որին, իր հերթին, «Պատիվ ունեմ» խմբակցությունը հրաժարվել է աջակցել։
Միջնադարյան Հայաստանի պատմության մեջ կա մի ուշագրավ դեպք։ Մխիթար-սպարապետ զորավարը թշնամանք էր տածում հայոց բանակի գլխավոր հրամանատար Դավիթ Բեկի նկատմամբ, լքեց բանակը և փակվեց իր սիրելիի հետ իր ամրոցում։ Մխիթար Սպարապետի կինը՝ Սաթենիկը, հաղթահարելով իր հպարտությունն իր աղախինների օգնությամբ, խնդրեց Մխիթար Սպարապետի սիրեցյալին՝ գեղեցկուհի Գոհարին, խնդրել ամուսնուն թողնել իր մանր թշնամանքը և վերադառնալ Դավիթ Բեկի մոտ։ Նա վերադարձավ բանակային ճամբար, և նրանց համատեղ ղեկավարության արդյունքում հայկական զորքերը փայլուն հաղթանակ տարան թուրքերի նկատմամբ Հալիձորի ամրոցի մոտ։ Եվ այսօր հայ ընդդիմության առաջնորդների կանայք, սիրուհիների հետ միասին, հիշելով հին ուսանելի պատմությունը, պարզապես պարտավոր են միավորվել ընդդիմության մեջ կանանց բաժին ստեղծելու և իրենց ամուսինների հետ բանակցելու համար, ոչ թե միմյանց հետ վիճեն, այլ իրենց համատեղ ջանքերն ուղղեն ատելի Նիկոլ Փաշինյանի նկատմամբ լիակատար և վերջնական հաղթանակի գործին։ Ես այդպես եմ մտածում։
Նյութը հրապարակման պատրաստեց Կամո Խաչիկյանը
