ԱՄՆ նախկին պետքարոտւղար Պոմպեոն քննադատել է Թրամփին. շարժվում ենք դեպի մի նոր «Մինսկի համաձայնագիր»
ՔԱՂԱՔԱԿԱՆՈՒԹՅՈՒՆ
ԱՄՆ-ը բավականաչափ քայլեր չարեց Ռուսաստանին կանգնեցնելու և Ուկրաինայում խաղաղությունը վերականգնելու համար դեռևս 2014 թվականին: Այս մասին Օդեսայում Սևծովյան անվտանգության ֆորումի ժամանակ հայտարարել է ԱՄՆ ԿՀՎ նախկին տնօրեն և պետքարտուղար Մայք Պոմպեոն, որն այդ պաշտոնները զբաղեցրել է Դոնալդ Թրամփի կառավարման առաջին ժամկետում։
«Ես ափսոսում եմ, որ մենք բավականաչափ քայլեր չգործադրեցինք 2014-ին և 2022-ին… Եվ ես ներգրավված էի Մինսկի բանակցություններում… Մենք արդեն բանակցային սեղանի շուրջ էինք և շատ բան տեսանք ու լսեցինք: Եվ թվում էր, թե վերահսկողության որոշակի գիծ է գտնվել, բայց դա չկանգնեցրեց զանգվածային ագրեսիան 2022-ին:
«Եթե անգամ պատերազմը դադարի, մենք չենք կարող վերադառնալ ռուսական գազին», քանի որ Մոսկվան ցանկացած պահի կարող է նոր թիրախ գտնել իր ագրեսիայի համար։ Դա կարող է լինել հյուսիսը կամ Միջերկրականը, որտեղ Ռուսաստանի Դաշնությունն ունի իր ռազմական կոնտինգենտը: Եթե Պուտինը վայր դնի զենքերը, մենք պետք է հասկանանք, որ դա հեշտությամբ կարող է կրկնվել: Եվ դա կարող է լինել ոչ թե Ուկրաինան, այլ ցանկացած այլ տարածաշրջան, որտեղ ներկա է ռուսական ռազմական կոնտինգենտը»,- նշել է Պոմպեոն։
