«Շատ ավելի հեշտ է կոտրելը». պատգամավորը ՀԱՊԿ-ը ֆինանսավորելուց հրաժարվելու Հայաստանի որոշման մասին
ՔԱՂԱՔԱԿԱՆՈՒԹՅՈՒՆ
Հայաստանը պետք է հասկանա Հավաքական անվտանգության պայմանագրի կազմակերպության ֆինանսավորումը նախատեսող փաստաթղթի ստորագրումից հրաժարվելու հետևանքները, news.ru-ին ասել է ՌԴ Պետդումայի պատգամավոր Միխայիլ Շերեմետը։ Ըստ նրա ավելի հեշտ է կոտրել կոլեկտիվ անվտանգության համակարգը, քան կառուցել այն։
«Մեր անկայուն ժամանակներում հավաքական անվտանգության համակարգ կառուցելը բավականին դժվար է, իսկ այն կոտրելը շատ ավելի հեշտ է: Բայց պաշտոնական Երևանը պետք է հասկանա, որ մենք հարգում ենք նրանց որոշումը: Հուսով եմ, որ այն հավասարակշռված որոշում է երկրի համար ռիսկերի և դրա բոլոր հետևանքների գիտակցմամբ, որպեսզի վերջում չմնան «կոտրած տաշտակի» առաջ»,- ասել է Շերեմետը:
Ավելի վաղ հայտնի էր դարձել, որ Հայաստանի կառավարությունը ձեռնպահ է մնացել ՀԱՊԿ-ի ֆինանսավորումը նախատեսող փաստաթղթի ստորագրումից։ Հանրապետության արտաքին գործող նախարարության մամլո ծառայության համաձայն, Երևանը արդեն իսկ իր որոշման մասին ծանուցած է կազմակերպության քարտուղարության։
Հայաստանի խորհրդարանի նախագահ Ալեն Սիմոնյանը ավելի վաղ հայտարարել էր, որ Երևանը չի նախատեսում վերանայել իր դիրքորոշումը ՀԱՊԿ-ի վերաբերյալ։ Նրա խոսքով, դժվար թե այդ հարցում ինչ-որ բան փոխվի։ Նա նաև հերքել էր այն տեղեկությունը, թե վարչապետ Նիկոլ Փաշինյանի հանձնարարությամբ երկրի գերատեսչությունները սկսել են ակտիվացնել աշխատանքը ռուս գործընկերների հետ։
Նյութը հրապարակման պատրաստեց Կամո Խաչիկյանը
