«Գնահատվել է Հայաստանի Եվրամիությանն անդամակցելու հնարավորությունը»
ՔԱՂԱՔԱԿԱՆՈՒԹՅՈՒՆ
Հայաստանը հնարավորություն ունի սկսելու Եվրամիությանն անդամակցելու ուղին, բայց երկիրը դեռ հեռու է դրանից, ասել է ՄԳԻՄՕ-ի եվրոպական իրավունքի ամբիոնի դոցենտ, Եվրոպական տեղեկատվական կենտրոնի տնօրեն Նիկոլայ Տոպորնինը Lenta.ru-ի հետ զրույցում:
«Հայաստանը շատ հեռու է ԵՄ-ին անդամակցելուց: Նախ նա չունի կարգավիճակ, իսկ մենք գիտենք, որ կան երկրներ, որոնք ստացել են ԵՄ անդամակցության պաշտոնական թեկնածուի կարգավիճակ։ Հայաստանը նման կարգավիճակ չունի, դա միայն ճանապարհի սկիզբն է, մանավանդ որ խոսքը ԵՄ-ի հետ դեռևս կապ չունեցող ներքին ընթացակարգերի մասին է։ Երբ նրանք ավարտեն բոլոր ընթացակարգերը երկրի ներսում, և պարզ դառնա, որ ժողովուրդն իսկապես ցանկանում է, որ Հայաստանը սկսի անդամակցել ԵՄ-ին, այն ժամանակ կառավարությունը պաշտոնապես կդիմի Բրյուսելին նման հատուկ կարգավիճակ ստանալու համար։ Այսինքն սա դեպի ԵՄ շարժման միայն սկիզբն է»,- պարզաբանել է նա։
Քաղաքագետը նաև կարծիք է հայտնել, որ երբ պետական իշխանությունները պաշտոնապես ԵՄ-ին խնդրեն դիտարկել երկրի թեկնածությունը որպես միությանն անդամակցելու թեկնածու, ապա լուրջ խոչընդոտների չեն հանդիպի համապատասխան կարգավիճակ ստանալու համար։ Սակայն դրանից հետո ԵՄ-ին վերջնական անդամակցության գործընթացը կարող է ձգձգվել տարիներ և նույնիսկ տասնամյակներ։
«Շարժումը ճանապարհի սկզբում է, բայց, եթե Հայաստանի իշխանությունները լուրջ մոտենան հարցին, ի վերջո, դա կբերի նրան, որ նրանք կստանան նման կարգավիճակ, կարծում եմ։ Որովհետև ներքին պատրաստվածության առումով ինչո՞վ է Հայաստանն ավելի վատ, քան հարևան Վրաստանը կամ հարևան Մոլդովան։ Ես կարծում եմ, որ նրանք միմյանց նման նախկին խորհրդային հանրապետություններ են, ոչ մի խոչընդոտ չկա»,- ասել է քաղաքագետ Նիկոլայ Տոպորնին։
Նա նաև հիշեցրել է, որ Երևանը Եվրասիական տնտեսական համայնքի (ԵԱՏՄ) անդամ է։ Նրա կարծիքով ներկայումս անհնար է միաժամանակ լինել այդ կազմակերպության և Եվրամիության անդամ։ Քաղաքագետը նաև հավելել է, որ Հայաստանը պետք է ընտրություն կատարի այդ երկուսի միջև:
Հիշեցնենք, որ ինչպես հայտարարել է ՀՀ վարչապետ Նիկոլ Փաշինյանը, Հայաստանը մտահոգված է Ռուսաստանի դիրքորոշմամբ՝ կապված Երևանի ԵՄ-ին անդամակցելու ցանկության հետ։ «Փաստն այն է, որ Ռուսաստանը որոշակի մտահոգություններ ունի։ Փաստը նաև այն է, որ մենք էլ որոշակի մտահոգություններ ունենք Ռուսաստանի դիրքորոշման հետ կապված»,- ասել է նա։
