Հունվարի 30-31-ը ոստիկանները բացահայտել են հանցագործության 160 դեպք
ՀԱՍԱՐԱԿՈՒԹՅՈՒՆ
Ըստ ոստիկանության օպերատիվ հաղորդագրությունների ամփոփագրերի՝ հունվարի 30-31-ը ՆԳՆ ոստիկանության ստորաբաժանումները բացահայտել են հանցագործության 160 դեպք, որոնցից 5-ը՝ նախկինում կատարված:
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 59, թմրանյութի հայտնաբերման՝ 23, մարմնական վնասվածք պատճառելու` 11, հոգեկան ներգործության ու խարդախության` 8-ական, ֆիզիկական ներգործության՝ 6, սառը զենքի հայտնաբերման՝ 5, բնակարանային գողության, վստահված գույքի հափշտակման ու զենք-զինամթերքի առգրավման՝ 3-ական, սեքսուալ բնույթի բռնի գործողության, պաշտոնեական կեղծիքի կամ անփութության ու աշխատանքի պաշտպանության կանոնները խախտելու՝ 2-ական, անձնական ունեցվածքի գողության, պետական ունեցվածքի գողության, գույքը ոչնչացնելու կամ վնասելու, խուլիգանության, պաշտոնեական լիազորությունների չարաշահման, անձի առևանգման, քրեական ենթամշակույթ կրող խմբավորմանը մասնակցելու, փաստաթղթեր, դրոշմներ, կնիքներ, ձևաթղթեր կեղծելու կամ փաստաթղթեր, դրոշմներ, կնիքներ, ձևաթղթեր իրացնելու, պատրաստելու կամ օգտագործելու, պետական սահմանն ապօրինի հատելու, հետամտելու, ընդերքի պահպանման կամ օգտագործման պահանջները խախտելու, պաշտոնատար անձի օրինական ծառայողական կամ քաղաքական գործունեությանը միջամտելու, սուտ մատնության, հեղինակային և հարակից իրավունքները խախտելու, ապօրինի կերպով քաղաքացիական ողորկափող հրազեն, գազային, օդաճնշիչ, սառը կամ նետողական զենք կրելու, երեխայի դաստիրակության կամ խնամքի պարտականությունը չկատարելու կամ ոչ պատշաճ կատարելու և բնակարանի անձեռնմխելիությունը խախտելու՝ 1-ական դեպք։
Նախկինում կատարված հանցագործություններից բացահայտվել է անձնական ունեցվածքի գողության և խարդախության՝ 2-ական, անձի տիրապետությունից դուրս եկած գույքին տիրանալու՝ 1 դեպք։
Հայտնաբերվել է 9 հետախուզվող, կամավոր ներկայացել՝ 2-ը։
Գրանցվել է զենք-զինամթերքի կամավոր հանձման 6 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար․ 16 անձ ստացել է տարբեր աստիճանի մարմնական վնասվածքներ։
