Բեկումնային տեխնոլոգիաներ չկան. «Ուրալվագոնզավոդ»–ի ինժեներները ոչ մի օգտակար բան չեն գտել գրավված Leopard 2A6 տանկի մեջ
ՀԱՍԱՐԱԿՈՒԹՅՈՒՆ
«Ուրալվագոնզավոդ»–ի մասնագետներն ուսումնասիրել են Leopard 2A6 տանկի բաղադրիչները, սարքավորումները և համակարգերը, բայց չեն գտել որևէ բեկումնային տեխնոլոգիա: Այս մասին գրել է ռազմական փորձագետ Եվգենի Դամանցևը, գրում է 1.ru–ն։
Leopard 2A6 աշտարակի և կորպուսի ճակատային ելուստի համարժեք դիմադրությունը կինետիկ և կուտակային արկերի նկատմամբ հասնում է ոչ ավելի, քան համապատասխանաբար 800, 850 և 1000-1200 մմ–երի: Դա մոտավորապես 1,1 - 1,15 անգամ զիջում է T-90M «Պրորիվ» տանկի նմանատիպ ցուցանիշներին և մոտավորապես հավասար է վաղ արտադրության T-90A տանկին:
Leopard 2A6-ը հագեցած է 120 մմ Rheinmetall տանկային հրանոթով (Rh120): Փորձագետն ուշադրություն է հրավիրել տանկի փոխանցման տուփի վրա, որը թույլ է տալիս հետընթաց շարժվել մինչև 31 կմ/ժ արագությամբ։ Դրա շնորհիվ այդ մարտական մեքենան կարող է հեռանալ կրակային դիրքից՝ առանց հակառակորդի կողմը թեքելու իր ավելի խոցելի հետևի կորպուսի պրոյեկցիան։ HSWL-354/3 փոխանցման տուփը (Ռենկի կողմից) ունի նաև դիֆերենցիալ երկհոսքի ղեկային մեխանիզմ՝ հիդրոստատիկ փոխանցման տուփով:
Նշենք, որ ռազմական տեխնոլոգիայի զարգացումը անքակտելիորեն կապված է ռևերս–ինժիներինգի հետ (պատրաստի արտադրանքի մեխանիզմների ուսումնասիրություն հետագա պատճենման համար): ԽՍՀՄ-ում և Արևմուտքում ակտիվորեն է կիրառվում դա։
Օրինակ, պատերազմի ժամանակ գերմանացիները պատճենել են գրավված խորհրդային 120 մմ–ոց գնդային ականանետը՝ 1938 թվականի մոդելը (PM-38): Այն ստացել է Granatwerfer 42 անվանումը։ Կամ, օրինակ, շատ երկրներում խորհրդային և ռուսական Կալաշնիկով ինքնաձիգեր են արտադրվում են առանց լիցենզիայի։
Նյութը հրապարակման պատրաստեց Կամո Խաչիկյանը
