Հետազոտություն. Ծանոթությունների կայքի համար ինչպես ընտրել կատարյալ պրոֆիլի նկար
ՖՈՏՈ
Հոգեբանները խորհուրդ են տալիս ծանոթությունների կայքում գրանցվելուց առաջ կատարյալ պրոֆիլի լուսանկար ընտրել։
«Ինչպես հայտնի է մենք որոշակի պատկերացում կազմում ենք մարդու մասին մի քանի վայրկյանների ընթացքում այն բանից հետո, երբ մենք տեսնում ենք նրանց պրոֆիլի նկարը, որն ազդում է այդ մարդու ռոմանտիկ կամ կարիերայի հեռանկարի վրա։ Այսպիսով մեր հետազոտությունը ապացուցել է, որ եթե ցանկանում ենք հայտնի և իդեալական լինել ցանցում, խնդրեք որևէ մեկին ընտրել լուսանկար»,-նշել են Սիդնեյ համալսարանի հոգեբան Դեյվիդ Ուայթը (David White )։
102 կամավորներ մասնակցել են փորձությանը, ովքեր իրենց 12 ամենապատահական նկարներ են բերել։ Յուրաքանչյուր կամավոր պետք է պատկերացներ, որ նա պետք է ծանոթությունների կամ Facebook և ուրիշ այլ սոցիալական ցանցեր գրանցվելու համար երկու լուսանկար ընտրի՝ մեկը հաջողակ, մյուս ոչ այնքան։
Դրանից հետո գիտնականները նրանց խնդրել են նայել անծանոթ մարդկանց 12 լուսանկարներ՝ գնահատել նրանց գրավչությունը, պրոֆեսիոնալիզմը, և ըստ իրենց, ընտրել ամենալավ լուսանկարները։
Այս արդյունքները համեմատելով, գիտնականները եկել են այն եզրակացության, որ ավելի լավ է նման գործընթացը վստահել կողմնակից անձանց, քանի որ նրանք ընտրել են ավելի հաջողակ լուսանկարներ բոլոր տեսակի սոցիալական ցանցերի համար։
Օրինակ, Facebook-ի համար անծանոթի կողմից ընտրված լուսանկարները գրեթե երկու անգամ ավելի լավն են եղել։
Հոգեբան Դեյվիդ Ուայթը և նրա գործընկերները, սակայն չգիտեն, թե ինչու մարդիկ ի վիճակի չեն իդեալական լուսանկար ընտրել իրենց համար, սակայն դա հեշտությամբ անում են անծանոթների համար։
