Մարշալ Բաղրամյանի խորհուրդը չնախատեսված իրավիճակների դեպքում
ՔԱՂԱՔԱԿԱՆՈՒԹՅՈՒՆ
Ես տեսել եմ Իվան Խրիստոֆորովիչ Բաղրամյանին մեկից ավելի անգամ, բայց հիմնականում հեռվից՝ դամբարանի ամբիոնին տոնական ցույցերի ժամանակ կամ հանդիսավոր ժողովների նախագահությունների ժամանակ, գրում է rg.ru-ն։ Եվ միայն մեկ անգամ եմ հնարավորություն ունեցել հանդիպել նրան դեմ առ դեմ և նույնիսկ մի փոքր զրուցել: Դա տեղի է ունեցել 1970-ականների երկրորդ կեսին։ Ինչ-որ գործով գնացել էի Կոմսոմոլի Կենտկոմ և, գործն ավարտելով իջնում էի դեպի ելքը։ Եվ հանկարծ տեսա, որ հերթապահը բացում է ապակե դուռը մարշալի համազգեստով տղամարդու առջև։ Բաղրամյանն էր։ Նրա այդտեղ լինելը ինձ չզարմացրեց, Բաղրամյանին հաճախ անվանում էին «Կոմսոմոլի մարշալ», քանի որ երկար ժամանակ նա ղեկավարում էր «Զարնիցա» և «Հիշողության ժամացույց» ռազմահայրենասիրական խաղերը և գլխավորում էր կոմսոմոլների արշավի կենտրոնական շտաբը: Մեկ այլ բան զարմացրեց ինձ, ոչ ոք չէր դիմավորում մարշալին: Կամ նա հայտնվել էր առանց նախազգուշացման, կամ ինչ-որ բան այնպես չէր գնացել: Ժամանակ չկար դա պարզելու և մոտեցա Իվան Խրիստոֆորովիչին, բարևեցի և կամավոր ուղեկցեցի նրան երրորդ հարկ, որտեղ գտնվում էին Կենտկոմի քարտուղարները։ Ու ճանապարհին որոշեցի հարցնել նրան մի այն դրվագի մասին, որից մասին լսել էի տարբեր տարբերակներով։
Ահա այդ դրվագը: Բալթյան ռազմական օկրուգի հրամանատար եղած ժամանակ Բաղրամյանը ներկա է եղել Ռիգայում ինչ-որ հանդիպման։ Եվ երբ ժողովը վարողը խոսել է լատվիերեն, նրանից հետո բոլորն են սկսել խոսել լատվիերեն։ Ելույթ ունենալով ինքը՝ Բաղրամյանը խոսել է հայերենով, որից հետո կարծիքների փոխանակումը շարունակվել է բոլորին հասկանալի ռուսերենով։
Ես հարցրեցի Իվան Խրիստոֆորովիչին, թե ո՞ր տարում է դա տեղի ունեցել և ո՞րտեղ՝ Լատվիայի Գերագույն խորհրդի նիստում, Կոմկուսի Կենտկոմի պլենումո՞ւմ, բյուրոյո՞ւմ, թե՞ մեկ այլ տեղ։ Վերելակը երրորդ հարկ արագ բարձրացավ, իսկ ընդամենը մի քանի քայլ այն կողմ գրասենյակ էր, ժամանակ չկար։ Բաղրամյանը ժպտալով պատասխանեց. «Ինչ ասես եղել է կյանքում, մի թե՞ հնարավոր է ամեն ինչ հիշել»:
Եվ դա ճիշտ է, արդյո՞ք հնարավոր է ամեն ինչ հիշել: Ես հասնելով իմ այս տարիքին արդեն հասկացել եմ դա։
Նյութը հրապարակման պատրաստեց Կամո Խաչիկյանը
