Բլոգերը խոսել է ռուս զբոսաշրջիկների նկատմամբ հայերի վերաբերմունքի մասին
ՖՈՏՈ
Ռուս ճանապարհորդը այցելել է Հայաստան և հաճելիորեն զարմացել ռուս զբոսաշրջիկների նկատմամբ տեղի տղամարդկանց բարյացակամ վերաբերմունքից։ Like Travel Travel բլոգի Zen հարթակում նա կիսվել է իր տպավորություններով և պատմել, թե ինչպես են հայերը բազմիցս ցուցաբերել բարություն և օգնելու պատրաստակամություն, գրում է Pravda.ru-ն։
Մինչ Երևան մեկնելը բլոգերը կարդացել է մեկ այլ զբոսաշրջիկի բացասական կարծիքը, ով հանդիպել է տաքսու վարորդի կոպիտ պահվածքին։ Դա նրա մոտ առաջացրել է անհանգստությունը և տհաճ փորձառության սպասում: Սակայն նրա սեփական ճանապարհորդությունը բոլորովին այլ է ստացվել։
Իրավիճակներից մեկը բանկում տեղի ունեցած միջադեպն էր, երբ նրա քարտը խրվել էր բանկոմատում: Օգնություն է առաջարկել տեղացի զբոսավարը, ով համառորեն աջակցել է նրան չնայած մերժելու փորձերին։ Նրանք միասին կարողացել են լուծել խնդիրը։
«Ինձ հետ պատահած այդ տհաճ իրավիճակը, իհարկե, քայքայեց իմ նյարդերը, բայց դա ցույց տվեց, թե ինչպիսի վերաբերմունք ունեն հայերը մեր հանդեպ, Հայաստանում միայնակ ռուս աղջիկներին վերաբերվում են ջերմությամբ, բարությամբ, հյուրընկալությամբ և պատրաստակամությամբ օգնելու անհրաժեշտության դեպքում»,- գրել է ճամփորդը:
Ավելի վաղ տուրիստական բլոգեր Վյաչեսլավ Զենինը նշել էր այն երկրները, որտեղ ռուս զբոսաշրջիկներին ընդունում են առանձնահատուկ ջերմությամբ։ Դրանցից նա առանձնացրել էր Սաուդյան Արաբիան եւ Թաիլանդը։
Նյութը հրապարակման պատրաստեց Կամո Խաչիկյանը
