«Քաղաքական շահարկումներ». Պետդումայում արձագանքել են ՀԱՊԿ-ի մասին Փաշինյանի խոսքերին
ՄԻՋԱԶԳԱՅԻՆ
ՆԱՏՕ-ն կշարունակի Հայաստանին «կերակրել» Դաշինքի կազմում ընդգրկելու խոստումներով, սակայն Երևանը կշարունակի մնալ առանց դրա, n
News.ru-ին տված հարցազրույցում ասել է Պետդումայի պատգամավոր Ջամալադին Գասանովը` արձագանքելով Հայաստանի վարչապետ Նիկոլ Փաշինյանի խոսքերին, ով հայտարարել էր, որ իր երկրի և ՀԱՊԿ հարաբերությունները հասել են անվերադարձելիության կետին։
«Հայաստանի վարչապետ Նիկոլ Փաշինյանի նման քաղաքական շահարկումները վաղուց են սկսվել։ 2024 թվականի փետրվարին նա հայտարարեց ՀԱՊԿ-ին երկրի անդամակցության սառեցման մասին` Ռուսաստանի Դաշնության հետ հարաբերությունների վատթարացման պատճառով։ Նույն թվականի սեպտեմբերին նա հայտարարեց, որ «ՀԱՊԿ-ը վտանգ է ներկայացնում Հայաստանի անվտանգության, գոյության և ինքնիշխանության համար»։ Հիմա էլ բարձրաձայնում է, որ Հայաստանը դուրս կգա կազմակերպությունից, երբ հարմար կգտնի»,- ընդգծել է Հասանովը։
Պատգամավորը նշել է, որ այդ հայտարարություններն իրենց բնույթով «զուտ դեկլարատիվ» են, բայց իրականում Հայաստանը դուրս չի եկել համաձայնագրից և իրական քայլեր չի անում այդ ուղղությամբ։ Պաշտոնական Երևանը, ըստ Հասանովի, հասկանում է իր թիկունքում գտնվող երկրների հզոր բլոկի հնարավոր ներկայության և անվտանգության խնդիրների միակ լուծման միջև եղած տարբերությունը։
«Հայաստանը ողջունված չէ Հյուսիսատլանտյան դաշինքում, թեև նրանք, անշուշտ, պատրաստ են կերակրել նրանց «աջակցության և ինտեգրման» խոստումներով», - եզրափակել է Հասանովը:
Նյութը հրապարակման պատրաստեց Կամո Խաչիկյանը
