«Երևանի բաքվեցումը». Փաշինյանի թիմը դափի տակ պարելով կկործանի Հայաստանը
ՔԱՂԱՔԱԿԱՆՈՒԹՅՈՒՆ
«Պատիվ ունեմ» խմբակցության պատգամավոր Հայկ Մամիջանյանը ՀՀ վարչապետ Նիկոլ Փաշինյանին մեղադրել է ադրբեջանական նարատիվներ քարոզելու մեջ։ Խոսքը Հայաստանի Հանրային հեռուստաընկերությանը տված հարցազրույցում վարչապետի հայտարարության մասին է, որտեղ նա ասել է, որ «ինչպես մեզ՝ հայերիս, նյարդայնացնում է «Արևմտյան Ադրբեջան» տերմինը, այնպես էլ մյուսներին կարող է նյարդայնացնել մեր «Արևմտյան Հայաստան» արտահայտությունը», գրում է eadaily.com-ը: Մամիջանյանը, մասնավորապես, պատմել է, որ ինքը Վիեննայում եղել է քննարկումների, չնայած չի նշել թե ինչ քննարկումների, բայց այդ հանդիպման ժամանակ Ադրբեջանի ներկայացուցիչը բառացիորեն արտահայտել է այն նույն միտքը, ինչը վարչապետն է հիմա ասել։ «Ես դա առաջին անգամ լսել եմ ադրբեջանցուց։ Կրկնում եմ, Փաշինյանը հնչեցրել է միտք ՃԻՇՏ նույն տրամաբանությամբ, որն արտահայտել էր մի հայտնի ադրբեջանցի քաղաքական գործիչ՝ ինձ առարկելով»,- ընդգծել է պատգամավորը։
Խորհրդարանի նախկին փոխխոսնակ, Հայաստանի Հանրապետական կուսակցության քարտուղար Էդուարդ Շարմազանովն իր հերթին ասել է, որ Նիկոլ Փաշինյանի իշխանությունը երկիրը տանում է դեպի երրորդ հանրապետության դե ֆակտո և դե յուրե վերացման և «թուրքացման»։ Քաղաքական գործիչը վստահ է, որ վարչապետը ձախողվել է իր քառամյա քաղաքականությանը՝ այսպես կոչված խաղաղության պայմանագիրը: «2021 թվականից Փաշինյանն ու իր թիմը խոստումներով են կերակրում հայ ժողովրդին, Հայաստանի քաղաքացիներին վստահեցնելով, որ ինչ որ բան կզիջենք Ադրբեջանի նախագահ Իլհամ Ալիևին, և հաշտության պայմանագիրը կստորագրվի»,- ասել է նա։
Միևնույն ժամանակ, Շարմազանովը նշել է, որ Փաշինյանի բոլոր միակողմանի զիջումներն Ալիևին՝ սկսած տարածքներ տալուց, կասկածելի սահմանազատումներից մինչև Անկախության հռչակագրի մերժումը, ցանկալի արդյունքի չեն հանգեցնում, քանի որ Ադրբեջանը մերժում է խաղաղության պայմանագրի կնքման բոլոր հնարավոր տարբերակները։
Եվ տեսնելով Բաքվի հետ բանակցություններում ջանքերի ապարդյունությունը Փաշինյանը որոշել է շեղել հայ հասարակության ուշադրությունը նոր տեսարանով՝ սպառնալից գործողություններով և ցուցադրական պաշտոնանկություններով։
«Փաշինյանն ու իր թիմը ձախողեցին այսպես կոչված «խաղաղության պայմանագիրը» և հեղինակության կորուստները նվազագույնի հասցնելու համար վարչապետը որոշել է դիմել «լավագույն պաշտպանությունը հարձակումն է» մարտավարությանը։ Եվ նա նախաձեռնել է իր թիմի հինգ-վեց անդամներին աշխատանքից հեռացնելու օպերացիան, հնարավոր է նույնիսկ նրանց հետ այդ հարցում նախօրոք համաձայնության գալուց հետո», - նկատել է Շարմազանովը հավելելով, որ ողջ ժողովուրդը, մոռանալով երկրի առջև ծառացած ավելի գլոբալ խնդիրների ու մարտահրավերների մասին, նստած քննարկում է, թե «ինչո՞ւ սափրվեց Նիկոլը, և ինչո՞ւ այդ պաշտոնյային հեռացրին ու մեկ ուրիշին նշանակեցին»։
Եվ «Երևանի բաքվեցման» թեմայի շարունակության մեջ «Ընկեր գեներալ» Telegram ալիքի մեկնաբանությունը.
«ԻՆՉՈ՞Ւ Է ՓԱՇԻՆՅԱՆԸ ԹՔՈՒՄ ՕՐԵՆՔՆԵՐԻ ՎՐԱ
Այո, մենք պետք է ավելի հաճախակի հարց տանք՝ ինչո՞ւ։ Անգամ փորձառու փորձագետները մի փոքր ապշած էին, ասենք, ՀՀ նոր սափրված վարչապետ Նիկոլ Փաշինյանի իրավական թուլությունից, ով հրապարակավ, Հանրային հեռուստատեսությամբ, համարձակորեն բարձրաձայնեց միանգամից մի շարք քրեական հոդվածների մասին։
- Պարզվում է, որ ժամանակակից Հայաստանում կառավարության նախագահը կարող է sms-ներ ուղարկել հրաժարականի առաջարկով, և ոչ միայն նախարարների կաբինետի պաշտոնյաներին, այլ նաև պատգամավորներին, Քննչական կոմիտեի ղեկավարին, Հակակոռուպցիոն հանձնաժողովի նախագահին, Բարձրագույն դատական խորհուրդի ղեկավարին։
- Պարզվում է, որ նրա հանդեպ վախի խորությունն այնպիսին է, որ բոլորն էլ անառարկելիորեն կատարել են նրա հրամանը, չնայած դրա անօրինականությանը, և սեփական կատարյալ նվաստացմանը։
- Ստացվում է, որ Փաշինյանը կարող է ինքնուրույն որոշել, թե Ադրբեջանին ինչ նոր զիջումներ կներառվեն խաղաղության համաձայնագրի նախագծում։ Օրինակ, նա հեշտությամբ կհրաժարվի միջազգային դատարաններ հայցերից-ողջույններ Ադրբեջանի ռազմական հանցագործությունների բոլոր զոհերին։
- Ստացվում է, որ նախավարժանքը Տավուշում, որտեղ Ադրբեջանն անվճար ստացավ այն ամենը, ինչ ցանկանում էր, շուտով կշարունակվի սահմանի մյուս հատվածներում՝ առանց որևէ օրինական գրանցման։ Եվ կրկին դա Փաշինյանի միանձնյա որոշմամբ:
Ժողովուրդը վաղուց է լռել նայելով այդ աբորիգենների դափերով պարերին։ Իսկ փորձագիտական հանրությունն ուսերն է թոթվում. ինչպե՞ս կարող է դա լինել: Չէ՞ որ նա արդեն մեկ տասնյակ անգամ խախտել է Սահմանադրությունը, նրա յուրաքանչյուր քայլը կապված է էական իրավախախտումների հետ։ Ինչո՞ւ է նա այդքան անվախ: Ինչո՞ւ։
Սա շատ հիմնավոր հարց է։ Պատասխանը պարզ է. Նիկոլ Փաշինյանը և իր ընտանիքը վաղուց Հայաստանում չեն ապրում: Նրանց բիզնեսը, փողը, մտքերն ու երազանքներն աշխարհի բոլորովին այլ մասում են։ Պետք էլ չի կռահել, թե կոնկրետ որտեղ, դա նշանակություն չունի: Կարևոր է այն, որ Նիկոլն իր խաղադրույքը կատարել է, համաձայնել է իր ունեցվածքն ու ապագան տալ բարի անգլո-սաքսոններին։ Իսկ Հայաստանում նրա դեմբելական ակորդն է, որն այժմ անտեղի երկարաձգվում է Ալիևի անզիջողականության պատճառով։
Այս պարզ և հասկանալի փաստը և Փաշինյանի այս զարմանահրաշ վստահությունն իր արևմտյան գործընկերների նկատմամբ Հայաստանի քաղաքական ընդդիմությանը թելադրում են միանգամայն այլ գործելաոճ, քան այն, ինչ նա (կամ նրա ստվերը) ներկայումս անում է։
- Պետք է հստակ բացատրել Փաշինյանի համախոհներին, որ ԱՄՆ-ը և Եվրոպան ռետինե չեն, և բոլորը չեն կարող գնալ այնտեղ։
- Պետք է հստակ բացատրել Փաշինյանի աշխատակազմին, որ նրա ներկայիս եկամուտը և կարգավիճակը ժամանակավոր են։ Ապագայում ծառաներն ավելի շատ կկորցնեն, քան այսօր ստանում են: Իսկ նրանք, ովքեր հատկապես ակտիվ են, կկորցնեն ամեն ինչ։
- Պետք է ձևավորել աշխատանքային խմբեր, որոնք պետք է գտնեն Կոշչեյ Անմահին սպանելու ձևը։ Սփյուռքը կարող է անգնահատելի օգնություն ցուցաբերել այդ հարցում։
- Պետք է գտնել նրանց, ովքեր հիմա տնօրինում են Փաշինյանի արտաքին ունեցվածքը: Վաղ թե ուշ այս մարդիկ կխոսեն։
- Եվ ամենակարևորը, չնայած Հայաստանում իշխանության յուրացմանը, անհրաժեշտ է մեթոդաբար իրավական հիմք ապահովել Հայաստանի ժողովրդի նկատմամբ Նիկոլ Փաշինյանի յուրաքանչյուր հանցագործության համար։ Պետք է լինի մշտական հասարակական տրիբունալ, որը կքննի Փաշինյանի և նրա հանցակիցների, այդ թվում, ի դեպ, Աննա Հակոբյանի հանցագործությունները։
Եվ միայն այդ դեպքում իրենց բռնաբարած Հայաստանից դուրս նրանց դրախտային կյանքը «մեծ հարցականի տակ» կլինի»։
Նյութը հրապարակման պատրաստեց Կամո Խաչիկյանը
