Փաշինյանը նոր խնդիր է գտել ու սափրել բեղ-մորուքը. «Ցանկանում է երջանկացնել Հայաստանին նաև լոբոտոմիայով»
ՔԱՂԱՔԱԿԱՆՈՒԹՅՈՒՆ
Վերջին տարիներին վարչապետ Նիկոլ Փաշինյանը, ըստ նրա, տասնյակ անգամ ընթերցել ու վերընթերցել է Հայաստանի Անկախության հռչակագիրը և հանգել սարսափելի եզրակացության՝ «փաստաթղթի բովանդակությունը ցույց է տալիս, որ Հայաստանի Հանրապետությունը գոյություն ունենալ չի կարող», գրում է eadaily.com-ը:
Վարչապետի նման բացահայտումներն ապշեցրել են մարդկանց, ովքեր անսահման հարգում են իրենց երկրի, ժողովրդի պատմությունը և հարգում են հայրենիքի պաշտպանների սխրագործությունները։
Փաստացի, հենց այդ մասին է գրել «Ընկեր գեներալ» հեռագրային ալիքի հեղինակը պատասխանելով իր մենախոսություններում խճճված վարչապետին:
«ԼՈԲՈՏՈՄԻԱ ԱՄՊՈՒՏԱՑԻԱՅԻՑ ՀԵՏՈ
Ամեն ինչ հենց այսպես էլ կա, Նիկոլ Փաշինյանն ամեն անգամ իր սկանդալային հայտարարություններով նախորդում է այն աղաղակող պահանջներին, որոնք հետագայում Իլհամ Ալիևն է ներկայացնում հայերին։
Այդպես էր սահմանադրական բարեփոխումների դեպքում։ Եվ, իհարկե, Արցախի առքուվաճառքի գործարքի փակումը չի կարող տեղի ունենալ առանց Հայաստանի Անկախության հռչակագրի ոչնչացման, որտեղ ամրագրված է Միացում գաղափարը։
Արցախի ամպուտացիան՝ անդամահատումն անհնար է առանց Մայր Հայաստանի մարմնի վիրահատական միջամտության: Սադիստ Փաշինյանն արեց դա առանց անզգայացման և արդեն դեն է նետել արյունոտ նշտարն ու հիմա նրա խնդիրն է ֆանտոմային ցավերը դուրս մղել Հայաստանի հաշմանդամ մարմնից և բացի դա իր իսկ ձեռքով ստեղծած հաշմանդամությունն օրինական ձևակերպել։
Ուստի հայերի դահիճը դրել է Անկախության հռչակագիրի հարցը: Ասում է. «Վերջին տարիներին ես տասնյակ անգամ վերընթերցել եմ Անկախության հռչակագիրը և եկել այն սարսափելի եզրակացության, որ այդ հռչակագրի էությունն այն է, որ Հայաստանի Հանրապետությունը գոյություն ունենալ չի կարող։ Սա մեր ամենամեծ խնդիրն ու ողբերգությունն է»։
Ճիշտ այնպես ինչպես ծերուկ Օրուելի մոտ, դասական եղանակով, Փաշինյանը շուռ է տալիս իրականությունը և անկախությունը ստրկություն է անվանում։ Միևնույն ժամանակ, ըստ նրա թերի հայեցակարգի հայերի հնագույն պատմությունը, Օսմանյան ցեղասպանության ողբերգությունը, մնալը Ռուսական կայսրության կազմում և ԽՍՀՄ դարաշրջանը, և ըստ էության, նաև ողջ հետխորհրդային պատմությունը ստրկական են: Եվ միայն ոչնչացնելով այդ ամենի հիշողությունը, մաքրելով այն Սահմանադրությունից, պատռելով Անկախության հռչակագիրը, եղբայրանալով հայ մարդասպանների՝ Թուրքիայի, Ադրբեջանի, Հունգարիայի հետ, Հայաստանը վերջապես կդառնա իսկապես անկախ, համոզում է Նիկոլ Փաշինյանը մեզ՝ ականջ ունեցողներիս:
Ասում է. «Մեր հավաքական սոցիալական մտածողությունը, այլ կերպ ասած մեր ենթագիտակցությունը հակապետական է։ Մեր ներկայիս սոցիալական հոգեբանությունը, մեր սոցիալական հոգեբանության գենետիկան, ըստ էության, ձևավորվել է այն ժամանակ, երբ մենք գաղութ էինք, սուբյեկտ: Մեզ համար օտար էին այն երկրները, որտեղ մենք ապրում էինք։ Եվ այդպես առնվազն 600 տարի։ Մենք ապրել ենք այնպիսի պետություններում, որոնք մեզ պարտադրվել են, ուստի մեր առաջին արձագանքը պետությունից ազատվելու ցանկությունն է, եթե նույնիսկ մենք ենք ստեղծել այդ պետությունը»։
Տեսեք, նրա համար բավական չէ լինել մանկուրտ, բժիշկ Մենգելեն և իր մոր դահիճը: Նրան ամպուտացիան չի բավականացնում, նա ուզում է ուրախացնել Հայաստանին լոբոտոմիայով: Փաշինյանը ողջ, բացարձակապես ողջ հայոց պատմությունը մինչև 2025 թվականը հռչակել է ստրուկի պատմություն: Իսկ ազատությունը կգա միայն վաղը, երբ հայությունը թույլ կտա նրան զբաղվել Սահմանադրությամբ, Անկախության հռչակագրով, զինանշանով, օրհներգով, Միացումի գաղափարով, Հայրենական մեծ պատերազմի հերոսների հիշատակով, Արցախյան պատերազմների ու ցեղասպանության զոհերով: Դա կլինի այն ժամանակ երբ «Իրական Հայաստանը», որը լքել է իր անցյալը, ինքնակամ դառնա Թուրանի պատմության մաս։
Այստեղ զարմանալի է մի բան, Փաշինյանը դեռ զգուշավոր է, փոքր քայլերով է շարժվում դեպի իր երազանքը, և ոչ թե ցատկերով։ Մի՞ թե նա դեռ վախենում է խոշտանգված, բռնաբարված, խաբված, ստորացված, հաշմանդամ մարդկանցից։
Փաշինյանն, ընդհանուր առմամբ, կրթություն չունի, անգրագետ է, բայց անհնար է ժխտել նրա հոտառությունը: Ըստ երևույթին, նրա բնազդը հուշում է նրան, որ ոչ մեկին երբեք չի հաջողվել ամբողջությամբ չեղարկել պատմությունը։ Վերագրերը փոխելը՝ այո, ինչքան ուզում ես։ Բայց պատմության նման վերաշարադրողներից ինքը պատմությունն է վրեժխնդիր լինում, ճշմարտությունը միշտ վերցնում է իրենը»:
Ծանոթություն. Լոբոտոմիան վիրահատություն է, որի ժամանակ գլխուղեղի հատվածներից մեկն առանձնացվում է մնացածներից կամ ընդհանրապես հեռացվում է: Հնում համարվում էր, որ այդ վիրահատությունն օգնում է բուժել շիզոֆրենիան:
Նյութը հրապարակման պատրաստեց Կամո Խաչիկյանը
