Andron-ը՝ Tomorrow Mobility World Congress 2024-ի մասնակից

30-ից ավելի երկրից ավելի քան 600 խոսնակ ու 1150 ընկերություն․ Բարսելոնայում այս օրերին քննարկում էին e-mobility ոլորտի նոր միտումներն ու ապագան։ Այս մասշտաբային հավաքի մասնակիցներից էր նաև Andron ընկերության տնօրեն Արտյոմ Պետրոսյանը։ 

Կոնգրեսին անդրադարձել են ոլորտի կարևոր հարցերի՝

• Արևային էներգիայի կիրառման աճ և ինտեգրացում շարժունակության ոլորտում
• Հասարակական տրանսպորտի արդիականացում և բազմազանություն
• Էլեկտրական փոխադրամիջոցների (ավտոմեքենաներ, հեծանիվներ, անհատական շարժունակության սարքեր) թվի աճ
• Խելացի քաղաքային շարժունակություն և ենթակառուցվածքներ
• Էլեկտրական և հիբրիդային փոխադրամիջոցների տեխնոլոգիաների զարգացում
• AI և IoT-ի կիրառումը տրանսպորտում՝ խելացի և անվտանգ քաղաքների համար

«Andron-ը մշտապես հետևում է ոլորտի նորամուծություններին ու պատրաստ է դրանք կիրառել Հայաստանում և տարածաշրջանում՝ նպաստելով կայուն և խելացի տրանսպորտային լուծումների զարգացմանը։ Այս կոնգրեսը լավ հարթակ էր ծանոթանալու այդ նորամուծություններին, քննարկել կարևոր հարցեր ու ներկայացնել Andron ընկերությունը՝ որպես ոլորտի առաջատար և նորարարական մոտեցումների կրող»,- նշեց Արտյոմ Պետրոսյանը։ 

Shtigen Group-ի մաս կազմող Andron ընկերությունը շարունակելու է իր ներդրումը e-mobility-ի զարգացման ուղղությամբ՝ միաժամանակ ընդլայնելով համագործակցության շրջանակն ու աշխարհագրությունը։