Ծանոթ ու միաժամանակ անհայտ … օղի Աբսոլյուտ

Absolut օղին արդեն բավականին տարիք ունի։ 1879 թվականին է ձեռնարկատեր Լարս Օլսոնի ջանքերով թողարկվել Absolut rent Bränvin օղու առաջին խմբաքանակը։ Այն ժամանակ այդ օղին շատ առումներով հեղափոխական արտադրանք էր շնորհիվ նորագույն շարունակական թորման համակարգի, որը կիրառվում է մինչ օրս։ Իսկ այսօր այդ օղու յուրաքանչյուր շշի վրա Լարս Օլսոնի դիմանկարն է։

Լարսը ծնվել է Շվեդիայի հարավում և մանկուց է սկսել ցույց տալ իր կոմերցիոն տաղանդը։ 11 տարեկանում նա սկսել է զբաղվել առևտրով, իսկ 15 ​​տարեկանում արդեն մեծ խանութի մենեջեր էր։ Ճիշտ է, նա երկար ժամանակ չի աշխատել այնտեղ։ Խանութի տիրոջ հետ վիճաբանելով Լարսը հիմնել է սեփական ընկերությունը, բացի այդ նախկին տիրոջից գողացել է հաճախորդների զգալի մասին։ Տասնութ տարեկանում Լարս Օլսոնն արդեն վերահսկում էր օղու ամբողջ վաճառքը Շվեդիայի հարավում։ Շատ արագ Լարսը վաստակել է «Օղու արքա» մականունը։

Օլսոնի հաջողությունը գրավել է իշխանությունների ուշադրությունը, որոնք որոշել են այդ գործարարին վտարել Ստոկհոլմից նրա ընկերության վրա անհասանելի հարկեր սահմանելով։ Սակայն այդ քաղաքականությունը բերել է նրան, որ Լարսը հանդես է եկել մի հետաքրքիր մարքեթինգային հնարքով: Նա իր առևտրային խանութները տեղափոխել է Շվեդիայի մայրաքաղաքին մոտ գտնվող ամենամոտ կղզի և կազմակերպել անվճար նավով անցում բոլոր նրանց համար, ովքեր ցանկանում են փորձել և գնել իր օղին: Նման օրիգինալ լուծումը ոչ միայն թույլ է տվել ընկերությանը մնալ ջրի երեսին, այլ նաև շարունակել արագ զարգանալ:

1870-ականների վերջին հարավային Շվեդիան էր արտադրում  երկրի ալկոհոլի կեսից ավելին: Եվ Լարս Օլսենը որոշում է մեկ այլ ռիսկային քայլի դիմել: Նա ձեռք է բերում տարածաշրջանում մի քանի գործարան և սկսում է արտադրել բարձրորակ օղի, որն անվանում է Absolut rent Bränvin (բացարձակապես մաքուր օղի): Արդյունքում, կատարված բոլոր ծախսերն ավելի քան վերադարձվեցին, և դա հատկապես երբ 19-րդ դարի վերջում, երբ Օլսոնի օղին մտավ միջազգային շուկա:

Զարմանալի փաստ. հետագայում չնայած այն հանգամանքին, որ Օլսոնը որոշ ժամանակ եղել է Շվեդիայի ամենահարուստ մարդը, նա մահացել է աղքատության մեջ թողնելով միայն պարտքեր։

Աբսոլյուտ օղու պատմությունը շարունակություն է ստացել միայն 1979 թվականին, երբ շվեդական V&S Vin&Spirit պետական ​​ընկերությունը որոշել է ստեղծել պրեմիում կարգի օղի և այն հասցնել ԱՄՆ շուկա։ Իրավական նկատառումներից ելնելով օղու անվանումը կրճատվել է սովորական «Absolut»-ի, և սկսվել է այդ ապրանքանիշի հզոր գովազդային արշավ։ Այդ օղու շիշը, որն այսօր ճանաչված է որպես արդյունաբերական դիզայնի դասական օրինակ, արժանի է հատուկ ուշադրության։ Նրանք երկար ժամանակ փնտրում էին օղու համար նախատեսված շշի ձևը և, ինչպես հաճախ է պատահում, լուծումը պատահաբար է եկել։ Գունար Բրոմանը, որն այն ժամանակ պատասխանատու էր գովազդային արշավի համար, Ստոկհոլմում շրջելիս հնաոճ իրերի խանութներից մեկում տեսել է մի հին դեղատնային շիշ։ Նրան ապշեցնում է այն, թե ինչպիսի բուն շվեդական տեսք ունի շիշը: Դիզայներների կողմից որոշ աննշան փոփոխություններից հետո շշի այդ դիզայնն ընդունվել է: Աբսոլյուտ օղու մնացած պատմությունն աշխարհում նրա ժողովրդականության կայուն աճի պատմությունն է։

Կ. Խաչիկյան