Հայաստանի քաղաքացիներն անվանել են առողջապահական համակարգում առկա խնդիրները
ՀԱՍԱՐԱԿՈՒԹՅՈՒՆ
Հայաստանի քաղաքացիների շրջանում Telegram սոցիալական ցանցում Realtribune.ru-ի կողմից անցկացված հերթական հարցումը ցույց է տվել հանրապետության հիմնական առողջապահական խնդիրները։
«Ի՞նչ է պետք փոխել Հայաստանի առողջապահական համակարգում» հարցին ստացվել են հետևյալ պատասխանները:
Հարցվածների 27,5%-ը (385 մարդ) երկրի առողջապահության վիճակի մասին հարցին պատասխանել է, որ բոլոր խնդիրները գալիս են առողջապահության նախարարությունից, իսկ բժիշկները մեղավոր չեն համակարգի ճգնաժամի համար։ Հարցվածների 19,9%-ը (279 քաղաքացի) նշել է, որ առաջին անհրաժեշտութայն և շատ օգտագործվող դեղամիջոցներն անհիմն թանկ են և դրանք գնելը իրենց հնարավորություններից վեր է։
Հարցվածների 19,08%-ը (267 մարդ) նշել է, որ հանրապետության մարզերում առկա է որակյալ բուժօգնության պակաս։
Հարցվածների 14,7%-ի (207 հոգի) կարծիքով մարդիկ չեն վստահում բժիշկներին, քանի որ նրանց հետաքրքրում է միայն գործի ֆինանսական կողմը, այլ ոչ թե հիվանդների առողջությունը։ Ի դեպ, հարցվածների 8,3%-ն էլ ասել է, որ կասկածում է բժիշկների պրոֆեսիոնալիզմին։ Միաժամանակ, հարցվածների 10,2%-ը նշել է բժշկական օգնության ցածր որակի մասին։
Հարցմանը ընդհանուր առմամբ մասնակցել է 1399 մարդ։
Նյութը հրապարակման պատրաստեց Կամո Խաչիկյանը
