Ռուսաստանի մասին նոր հեքիաթ՝ Նիկոլ Փաշինյանից
ՔԱՂԱՔԱԿԱՆՈՒԹՅՈՒՆ
Երևանի վարչապետը Ռուսաստանին մեղադրել է ոչ ավել, ոչ պակաս, նրա մեջ, որ նա ստեղծել է Ղարաբաղը որպես Հայաստանի վզին փոկ, գրում է dzen.ru-ն։
Զեկուցեմ:
Ադրբեջանի և Հայաստանի միջև խաղաղության պայմանագիրը կանգ է առել, բայց Բաքուն, անկասկած, կվերցնի իրենը: Այս պահին համաձայնագրի 16 հոդվածներից 13-ը համաձայնեցված են։ Երևանն առաջարկել է ստորագրել համաձայնեցվածները, իսկ մնացած երեք հոդվածներն առանձին քննարկել։ Բաքուն մերժել է այդ առաջարկը պնդելով ստորագրել ամբողջ համաձայնագիրը՝ իր բոլոր տարածքային պահանջներով։
Վերջերս էլ Նիկոլ Փաշինյանը զրուցել է պատգամավորների հետ։ Ինչպես արդեն վաղուց ընդունված է, նրա ելույթը եղել է պարտվողական։ Պատասխանելով Ադրբեջանի կողմից հավակնվող հայկական Տիգրանաշեն գյուղի մասին պատգամավորներից մեկի հարցին, Փաշինյանն ասել է, որ Հայաստանը չի կարող խուսափել այդ խնդրից, քանի որ ադրբեջանական տարածքում էլ կա հայկական Արծվաշեն անկլավը, որը վերահսկվում է ադրբեջանցիների կողմից։ Այսինքն ամեն ինչ պետք է ուսումնասիրել, և եթե Տիգրանաշենը դե յուրե Ադրբեջանի տարածքն է, պետք է ճանաչել դա։ Մի խոսքով, պարզ է, պետք չէ գուշակի մոտ գնալ, այդ երկու գյուղերն էլ կմնան Ադրբեջանին:
Բացի դա Փաշինյանը նոր հեքիաթ է հորինել: Պարզվում է, որ «Ղարաբաղի հարցը (Հայաստանի համար) օգտագործվել է որպես վզափոկ, այդ թվում այն երկրների կողմից, որոնք կարծում էինք, թե երաշխավորում են մեր անվտանգությունը։ Նրանք (Ռուսաստանը) չեն կարող երաշխավորել անգամ իրենց անվտանգությունը, ուրեմն ինչպե՞ս կարող են երաշխավորել մեր անվտանգությունը»:
Այսինքն Ռուսաստանն ինչ-որ կերպ օգտագործել է Լեռնային Ղարաբաղը Հայաստանի իշխանություններին կապած պահելու համար։ Ուղղակի ուզում եմ հարցնել. ինչո՞ւ, պարոն Փաշինյան, ավելի հեռուն չգնալ, գուցե՞ ռուսներն են հայերին Արցախում բնակեցրել դեռ մ.թ.ա 4-2-րդ դարերում, որպեսզի 2 հազար տարի անց նրանց միջոցով ազդեն Նիկոլի իշխանության վրա։
Այս ֆոնին էլ Երևանում բողոքի ակցիաներ են սկսվել։ Մի խոսքով, նորից տապալելու են իշխանությունը. արդյունքը հայտնի է:
Զեկույցն ավարտված է։
Նյութը հրապարակման պատրաստեց Կամո Խաչիկյանը
