Տավուշի մարզի Այրում քաղաքի մոտակայքում տեղի է ունեցել սողանք, եղել են զոհեր․ պատմության այս օրը (02 հոկտեմբեր)

ՈՐՈՇ ՏՈՆԵՐ- Ուժ չգործադրելու միջազգային օր, Գվինեա՝ Անկախության օր Ֆրանսիայից, ԱՊՀ երկրներ՝ Պրոֆտեխուսուցման օր, Ֆինլանդիա՝ Սելդ ձկան օր:

ՀԱՅԱՍՏԱՆՈՒՄ

1877–ռուս թուրքական 11-րդ պատերազմի (1877-1878) կովկասյան ճակատում տեղի է ունեցել Ալվիար-Ալաջանյան ճակատամարտը, որը հանդիսացել է բեկումնային ճակատամարտ ռուսական բանակի հաղթանակի համար:

1912- կաթողիկոս Գևորգ 5-րդը պաշտոնապես դիմել է Կովկասի փոխարքա  Վորոնցով-Դաշկովին խնդրելով հարց բարձրացնել ցարի առջև Բեռլինի 61-րդ հոդվածն իրականացնելու համար:

1901 –ծնվել է  կոմպոզիտոր Թաթուլ Ալթունյանը:

1936 – ծնվել է քանդակագործ, նկարիչ Ֆրիդ Սողոյանը:

1938– ծնվել է ռուսահայ գիտնական, իրավաբան Վլադիկ Ներսեսյանցը:

1987 —Կենտրոնական հեռուստատեսության եթերում առաջին անգամ հեռարձակվել է  «Հայացք» հեռուստահաղորդումը:

1996- ավարտվել է Երևանում ընթացող 32-րդ շախմատային օլիմպիադան, հաղթել է Ռուսաստանի թիմը Գարրի Կասպարովի գլխավորությամբ:

2003-մեծ հանդիսությամբ  շահագործման է  հանձնվել Աշտարակի կամրջի երկրորդ մասը՝ ապահովելով երկկողմանի երթևեկություն:

2006- Հայաստանի ազգային պատկերասրահում բացվել է ֆրանսիական տասնօրյա փառատոնը, որը ունեցել է  5 ցուցահանդեսներ (գեղանկարչական, լուսանկարչական և այլն):

2011- Տավուշի մարզի Այրում քաղաքի մոտակայքում Վանաձոր – Բագրատաշեն ավտոճանապարհի 86-րդ կիլոմետրում տեղի է ունեցել սողանք,  փլվել է մոտ 300 մետր երկարությամբ ճանապարհ։ Եղել են զոհեր:

2011– վախճանվել է ծագումով հայ, ռուս իրավաբան, «ՅՈՒԿՈՍ» ռուսական նավթային ընկերության փոխտնօրեն Վասիլի Ալեքսանյանը:

2013 – վախճանվել է  հուշարձանագետ, արխիվագետ, լուսանկարիչ, թիֆլիսագետ Սարգիս Դարչինյանը:

2014-Հայաստան է վերադարձվել  գերեվարված Հակոբ Ինջիղուլյանը, որն Ադրբեջանում ծեծի և խոշտանգումների է ենթարկվել և մահվան սպառնալիքների տակ ստիպված է եղել ասել այն, ինչ պահանջել են։

2015- Գյումրիում բացվել է Կուրսկի հրապարակն այդ առթիվ Ռուսաստանից եկած հատուկ պատվիրակության մասնակցությամբ:

2018- վարչապետ Նիկոլ Փաշինյանի կոչով շրջափակել է ազգային ժողովի շենքը: Փաշինյանը նաև Բաղրամյան պողոտայում հրավիրած հանրահավաքում աշխատանքից ազատել է  կառավարությունում «Բարգավաճ Հայաստան» և ՀՅԴ կուսակցությունների ներկայացուցիչներին:

2020-Ղարաբաղյան երկրորդ պատերազմի ժամանակ ադրբեջանական բանակն առաջընթաց է ունեցել Ջեբրաիլ-ֆիզուլի ուղղությամբ, ինչպես նաև գրավել է Մատաղիսի շրջակա բարձրունքները: Ֆրանսիայի նախագահ էմանուել Մակրոնը հայտարարել է, որ ավելի քան սիրիացի 300 ահաբեկիչներ կռվում են Ադրբեջանի կողմից:

2023- Ստեփանակերտի Մայր տաճարում վերջին պատարագն է մատուցել Հրայր Սարկավագը, երբեմնի մարդաշատ եկեղեցում որևէ արցախցի չի եղել:

ԱՇԽԱՐՀՈՒՄ

1187 - Սալահ ադ Դինը գրավել է Երուսաղեմը խաչակիրների 88 տարվա տիրապետությունից հետո:

1263– տեղի է ունեցել Լարգսի ճակատամարտը, որը շոտլանդա-նորվեգական պատերազմի կարևոր ճակատամարտերից մեկն է:

1535– ֆրանսիացի ծովագնաց Ժակ Քարտիեն ափ է իջել ներկայիս Կանադայի տարածքում գտնվող Հոշլեագ տեղանքում և անվանել այն Մոնրեալ:

1552 –ռուսական ցար  Իվան Ահեղը գրավել է թաթարների մայրաքաղաք Կազանը:

1608 —Իոհան Լիպպերսհեյնը հոլանդական կառավարությանն է ներկայացրել իր հայտնագործությունը՝ օպտիկական աստղադիտակի նախատիպը:

 1800 —ծնվել է ամերիկացի ստրուկ-քարոզիչ, Վիրջինիայում ստրուկների ապստամբության ղեկավար Նաթ Տյորները:

1836 - Չարլզ Դարվինը վերադարձել է «Բիգլ» նավով հինգ տարի տևած շուրջերկրյա ճանապարհորդությունից:

1860– Սանկտ Պետերբուրգում բացվել է Մարիինյան թատրոնը:

1869 ―ծնվել է Հնադկաստանի ազգային –ազատագրական շարժման առաջնորդներից մեկը հանդիսացող Մհատմա Գանդին:

1870 —Հռոմը դարձել է միավորված Իտալիայի մայրաքաղաք:

1936- ԱՄՆ-ում  «չոր օրենքը» չեղարկելուց հետո բացվել է ալկոհոլային խմիչքների արտադրության առաջին գործարանը:

1951– ծնվել է անգլիացի երգիչ Սթինգը:

1973 – ծնվել է ուկրաինացի երգիչ Վերկա Սերդյուչկան (Անդրեյ Դանիլկո):

1968– Մեքսիկայի մայրաքաղաք Մեխիկոյում ուսանողների կազմակերպած ցույցը ցրելու համար կառավարությունը օգտագործել է հրազեն, որի արդյունքում զոհվել է  200-300 մարդ:

2000 —«Ames Laboratory» ամերիկյան պետական կազմակերպության  գիտնականները ստեղծել են նոր գերամուր նյութ, որն իր ամրությամբ զիջում է միայն ալմաստին:

2002 —Ճապոնիայում աշխարհում առաջին անգամ սկսել են վաճառել ռոբոտ-ինկասատորներ:

2020-վախճանվել է ռուս խորհրդային երգիչ, դերասան, կոմպոզիտոր և հեռուստահաղորդավար Ալեքսանդր Կալյանովը:

Կ. Խաչիկյան