Մեր իշխանությունն ամեն կերպ խուսափում է սահմանադրական հանրաքվեի անցկացումից, քանի որ վստահ չեն, որ ժողովուրդն «այո» կասի. Գոհար Մելոյան
ՔԱՂԱՔԱԿԱՆՈՒԹՅՈՒՆ
«ՀՀ և ԱՀ միջև պետական սահմանի սահմանազատման և սահմանային անվտանգության հարցերով հանձնաժողովի ու ԱՀ և ՀՀ միջև պետական սահմանի սահմանազատման պետական հանձնաժողովի համատեղ գործունեության մասին» կանոնակարգի վերաբերյալ ՍԴ եզրակացությունը ծայրից ծայր խայտառակություն է, զգալի մասը նվիրված է անկախության հռչակագրի իրավական ուժը կասկածի տակ դնելուն:
Այս մասին Tert.am-ի հետ զրույցում ասաց սահմանադրագետ Գոհար Մելոյանը:
Նրա խոսքով՝ այդ մի փոքր դրվագ հայտարարությունը լուրջ ենթատեքստեր ու խմորումներ է իր մեջ պարունակում, որոնք ծայրաստիճան հակաիրվական, հակաազգային և հայկական շահին հակասող գործընթացներ են ենթադրում:
«ՍԴ-ի տխրահռչակ որոշումով ես՝ թե՛ որպես մասնագետ, թե՛ որպես հայ, ՀՀ քաղաքացի վիրավորված մասնագիտական արժանապատվություն ունեմ և լուրջ տագնապ: Պատահական չէ Փաշինյանի ինքնավստահությունն առ այն, որ իր՝ այսպես կոչված «փորձագետների» եզրահանգումները չէին հակասելու Սահմանադրությանը: Բոլորիս համար էլ ակնհյատ էր, թե ինչպսին է լինելու այս կազմով, յուրայիններով համալրված հակաիրավական եղանակով ձևավորված ՍԴ-ի եզրակացությունը տվյալ միջազգային պայմանագրի վերաբերյալ»,- ասաց սահմանադրագետը:
Նա նշեց, որ ՍԴ-ն ամեն ինչի անդրադարձել է բացի հակասող դրույթներից՝ իրենց խորությամբ ու լրիվությամբ:
«Հիմա Փաշինյանը գնդակը նետել է ՍԴ դաշտ՝ փորձելով «լռեցնել» մեր մասնագիտական համայնքից նրանց, ովքեր այս ողջ հետպատերազմյան շրջանում բազմիցս հայտարարել են, որ միջազգային պայմանգրերը, որոնք Փաշինյանն իրեն թույլ է տալիս ստորագրել, ապօրինի և հակաիրավական են, որովհետև նրանցից գեթ մեկը այդպես էլ չանցավ ներպետական վավերացում: Այս կանոնակարգը հիմա որ իրենք ներկայացրեցին ՍԴ, գալիս է հաստատելու մեր այն պդնումը, որ մինչ այդ հաջորդած ողջ գործընթացները հակաիրվական են»,- ասաց Մելոյանը:
Մասնագետի կարծիքով՝ ադրբեջանական կողմի պարտավորեցման հետևանք էր սա, իրենց էլ է ձեռնտու, որ ցանկացած գործընթաց հայկական կողմը ամոբղջական իրավականության շրջանակներում կատարի: Նա շեշտեց, որ ապօրինի գործընթացների արդյունքում կյանքի կոչված իրաբվահարաբերություններն, այնուամենայինիվ, միջազգային կոնվենցիաներով հետագայում հնարավորություն կա մերժելու:
«Բայց արդեն տեղափոխվել ենք նոր փուլ, հերթական փաստաթուղթը ներպետական վավերացման է ներկայացվել: Ադրբեջանական կողմը պահանջում է, որ նման փոփոխությունները կատարվեն հանրաքվեի միջոցով և չի հրաժարվում Սահմանադրության փոփոխության պահանջից, այն դեպքում, երբ մեր իշխանությունները փորձում են մանևրել, հրաժարվել հանրաքվեից»,- շեշտեց նա:
Մելոյանը նշեց, որ Կանոնակարգի վերջին կետով նախապայման կա ուժի մեջ մտնելու՝ դա երկու կողմի ներպետական վավերացումն է:
Նա հիշեցրեց, որ հայկական կողմը պատրաստակամություն է հայտնել ստորագրել խաղաղության պայմանագիրը համաձայնեցված կետերի շուրջ, իսկ ադրբեջանական կողմը հրաժարվել է դրանից՝ ասելով որ իրենց մոտ նախապայման մնում է Սահամանադրական փոփոխությունը:
«Ակնհայտ է՝ մեր իշխանությունն ամեն կերպ խուսափում է հանրաքվեի անցկացումից: Ես չգիտեմ՝ ովքեր են Փաշինյանի փորձագետները, ինչ են փորձում խաղարկել: Զավեշտը կայանում է նրանում, որ Ադրբեջանն ավելի պարկեշտություն է դրսևորում հայկական իրավական նորմերի նկատմամբ, քան ինքը՝ հայկական իշխանությունը: Մեր գործող իշխանությունները փորձում են հրաժարվել սահմանադրական հանրաքվեից»,- ասաց նա:
Մելոյանը նշեց՝ հայ ժողովուդրը պետք է որոշի ինքը ցանկանո՞ւմ է այդ փոփոխությունները, իսկ այս իշխանությունները փորձում են խուսափել ժողովրդի կարծիքը հարցնելուց:
Մելոյանը վստահ է, եթե իշխանությունները վստահ լինեին, որ ժողովուրդը հանրաքվեով «այո» կասի իրենց սահմանադրությանը, նրանք վաղուց գնացած կլինեին այդ քայլին, բայց դա թողել են 2026 թվականի ըտնրություններից հետո:
