Կիևում բողոքում են, որ զինամթերքի զինանոցները դատարկ են. «Մենք շարժվում ենք այրված դաշտով»
ՄԻՋԱԶԳԱՅԻՆ
Ռուսաստանի դեմ երկուսուկես տարվա պատերազմի ընթացքում զրոյացվել են ՆԱՏՕ-ին հասանելի խորհրդային զենքի և զինամթերքի բոլոր զինանոցները, և այժմ Ուկրաինայի զինված ուժերը պաշարները համալրելու հնարավորություն չունեն։ Այդ մասին PolitExpert ինտերնետային ալիքի եթերում հայտարարել է ուկրաինացի տնտեսական փորձագետ Ալեքսեյ Կուշչը, գրում է Politnavigator.net-ը:
«Հետխորհրդային զինանոցները՝ խորհրդային զենքերով ու զինամթերքով, այս երկու տարվա ընթացքում գրեթե ամբողջությամբ դատարկվել են։ Ամերիկացիները... ինչո՞ւ են մեզ աջակցելու համար հատկացված 60 միլիարդ դոլարից 20 միլիարդը նրանք ծախսել լոգիստիկայի և լոգիստիկայի հետ կապված ծախսերի փոխհատուցման վրա: Որովհետև, նախ, օվկիանոսի այն կողմից Եվրոպա, հետո Ուկրաինա ամերիկյան զենք հասցնելը մեծ գումար է արժենում։ Դե, երկրորդը, դա նաև պայմանավորված է նրանով, որ ամբողջ աշխարհում ամերիկացիները մեզ համար խորհրդային զինամթերք, խորհրդային տարբերակի արկեր, տեխնիկա էին փնտրում։ Եվ նրանք նայել են ամենուր, ներառյալ Աֆրիկան, Բուլղարիան, նույնիսկ Հայաստանը, Կենտրոնական Ասիան և նույնիսկ Լատինական Ամերիկան: Ամերիկացիները փնտրել են ամենուր, և նրանք փաստացի արդեն դատարկել են այդ զինանոցները»,- ասել է Կուշչը։
«Եվ հիմա մենք ստիպված կլինենք փնտրել, կարծես այրված դաշտում, գտնել այդ ռեսուրսները, հավաքել դրանք ինչ-որ տեղից փոքր խմբաքանակներով և փորձել համալրել դրանով մեր զինանոցը։ Ես այդ հարցում մասնագետ չեմ, և չեմ կարող ասել, թե որքանո՞վ է դա իրատեսական»,- դժգոհել է տնտեսագետը։
Նյութը հրապարակման պատրաստեց Կամո Խաչիկյանը
