«Ի՞նչ պետք է անի Ռուսաստանը Հայաստանի հետ»
ՔԱՂԱՔԱԿԱՆՈՒԹՅՈՒՆ
Ռուսաստանը հիմա կարիք չունի կտրուկ արձագանքելու Հայաստանի վարչապետ Փաշինյանի ոչ բարեկամական հայտարարություններին, կարծիք է հայտնել քաղաքական մեկնաբան Անդրեյ Պերլան, գրում է newdaynews.ru-ն։ Ահա նրա առանց կրճատումների հրապարակումը հեռագրային ալիքում:
«Բոլորովին չպետք է զարմանալ Փաշինյանի այն հայտարարության վրա, որ «մենք սառեցրել ենք մեր անդամակցությունը ՀԱՊԿ-ին ոչ միայն այն պատճառով, որ ՀԱՊԿ-ը չի կատարում Հայաստանի անվտանգության ապահովման իր պարտավորությունները, այլ նաև այն պատճառով, որ ՀԱՊԿ-ը սպառնալիքներ է ստեղծում Հայաստանի անվտանգության, նրա հետագա գոյության, ինքնիշխանության և պետականություն համար»։ Հետաքրքիրն այն չէ, թե նա ի՞նչ է ասում, թեկուզ միայն այն պատճառով, որ նրա ելույթները գրվում են Արևմուտքում և ուղղված են հիմնականում արևմուտքի հայերին, այլ ոչ թե Հայաստանի հայերին, հետաքրքիր է այն, թե հիմա ի՞նչ է անելու Ռուսաստանը Հայաստանի հետ։
Իրականում կա երկու տարբերակ.
1. Անտեսել Փաշինյանի ասածները, վարվել այնպես, կարծես ամեն ինչ նորմալ է, Հայաստանը մնում է ռուսական ազդեցության գոտում: Դա կարող է աշխատել, քանի որ Փաշինյանի խոսքերը և Հայաստանի իրական արտաքին քաղաքականությունը կարող են տարօրինակ կապ ունենալ միմյանց հետ։
2. Ուսերը թոթովել ու Հայաստանին թողնել իր ճակատագրին հույս ունենալով, որ մի քանի տարի հետո Հայաստանը (եթե դեռ լինի) ինքնստինքյան կձգվի դեպի Ռուսաստան։ Իսկ դա կլինի չնայած Արևմուտքի բոլոր ջանքերին: Ճիշտ այնպես, ինչպես եղավ Վրաստանի հետ, բացարձակապես ոչինչ չարեցինք, իսկ այնտեղ, Իվանիշվիլին, օտարերկրյա գործակալների մասին օրենքը, ավիափոխադրումների վերականգնումը, «երկնագույնների» դեմ պայքարը։ Եվ ոչ մի եվրոպական ընտրություն, քանի որ ուտել է պետք:
Այն, ինչը հաստատ չի կարելի անել, դա Հայաստանին պարտադրելու, Հայաստանը վերադարձնելու, Հայաստանը վերակրթելու հատուկ օպերացիա սկսելն է։ Քանի որ կան շատ այլ անելիքներ: Ուկրաինայում հատուկ գործողության հաղթական ավարտից հետո հնարավոր կլինի նայել այդ ուղղությամբ։ Առայժմ թող իրենք ինչ ուզում են անեն։
...Ի դեպ, եվրոպական ընտրության մասին: Հայաստանին ամենամոտ եվրոպական երկիրը Թուրքիան է։ Ֆրանսիան, ընդհակառակը, շատ հեռու է Հայաստանից»:
Նյութը հրապարակման պատրաստեց Կամո Խաչիկյանը
