ԱՄՆ-ն սահմանափակումներ է մտցրել Վրաստանի մի շարք պետական պաշտոնյաների նկատմամբ․ Վրաստանից արձագանքել են

Միացյալ Նահանգներն այսօր սահմանափակումներ է մտցրել Վրաստանի մի շարք պետական պաշտոնյաների նկատմամբ՝ ժողովրդավարությունը և մարդու իրավունքները ոտնահարելու համար։

Պատժամիջոցների մասին հայտարարել է պետքարտուղար Էնթոնի Բլինկենը, մանրամասնելով՝ «սև ցանկում» են ՆԳՆ հատուկ հանձնարարությունների վարչության պետ Զվիադ Խարազիշվիլին և նրա տեղակալներից մեկը՝ Միլերի Լագազաուրին, ծայրահեղական խմբավորման երկու առաջնորդներ՝ Կոնստանտին Մորգոշիան և Զուրաբ Մախարաձեն, որոնք կոպտորեն ոտնահարել են խաղաղ հավաքների ազատությունը «օտարերկրյա գործակալների» մասին օրենքի դեմ ցույցերի ժամանակ։

«Մենք շարունակում ենք անհանգստացած մնալ Վրաստանում մարդու իրավունքների ոտնահարման և հակաժողովրդավարական գործողություններով և կդիտարկենք լրացուցիչ գործողություններ։ Միացյալ Նահանգները միանշանակ աջակցում է վրացիների՝ ազատ հավաքների, խոսքի և մյուս հիմնարար իրավունքները՝ առանց բռնության, ահաբեկման կամ ճնշելու վախի»,- նշել է ԱՄՆ պետքարտուղարը։

Վրաստանից արձագանքել են, որ այդ անձանց դեմ սահմանված ԱՄՆ պատժամիջոցները միջամտություն են երկրի խորհրդարանական ընտրություններին

«Այս պատժամիջոցները վիրավորանք է ոստիկանության նկատմամբ, մի կողմից՝ վիրավորանք հաստատության համար, մյուս կողմից, և փորձ՝ ազդելու վրաց ժողովրդի ընտրության և կամքի վրա, երրորդ կողմից՝ սա միջամտություն է Վրաստանի ընտրություններին»,- ասել է իշխող «Վրացական երազանք-Ժողովրդավարական Վրաստան» կուսակցության գործադիր քարտուղար Մամուկա Մդինարաձեն։