Բացահայտվել է ռուսական շինարարական ընկերությունների հետաքրքրությունն Ադրբեջանում
ՀԱՍԱՐԱԿՈՒԹՅՈՒՆ
Ռուսական շինարարական ընկերություններն Ադրբեջանում կկառուցեն ավելի շատ բնակարանային և կոմերցիոն անշարժ գույք, Արևելյան տնտեսական ֆորումի (ԵՏՀ) շրջանակներում հայտարարել է ԱՀ էկոնոմիկայի նախարարությանը կից «Պետական կադաստրի և անշարժ գույքի ռեգիստրի» տնօրեն էմիլ Սաֆարովը, գրում է NEWS.ru-ն: Նա նաև ընդգծել է, որ երկրների միջև հարաբերություններն այժմ վերելք են ապրում։
«Նախագահները հաճախ են հանդիպում, վերջերս Վլադիմիր Վլադիմիրովիչն (Պուտին) էր Բաքվում։ Հարաբերությունները շատ հաջող են զարգանում։ Սա շատ է ուրախացնում բոլորին»,- ընդգծել է Սաֆարովը։
Նա նաև նշել է ռուսական շինարարական ընկերությունների մեծ հետաքրքրությունը մասնակցելու ազատագրված տարածքների վերականգնմանը։ Սաֆարովի խոսքով ադրբեջանցի ձեռներեցները նույնպես հետաքրքրված են ռուսական շուկայով։
«Ամբողջ ենթակառուցվածքն ավերվել է, ամբողջ բնակֆոնդը, բոլոր կոմունիկացիաներն ու ջրային ուղիները։ Իսկ ադրբեջանական ձեռնարկությունները մեծ հետաքրքրություն ունեն Ռուսաստանի, նրա մշակույթի, պատմության, արդյունաբերության և գյուղատնտեսության նկատմամբ»,- պարզաբանել է գերատեսչության տնօրենը։
Էմիլ Սաֆարովը նաև նշել է, որ ազատագրված տարածքներում լքված հայերի բնակելի և կոմերցիոն անշարժ գույքի հարցն իր իրավասությունների մեջ չեն։ Դա քաղաքական որոշում է, որը կկայացնեն իշխանությունները, հավելել է նա։
«Կարող եմ միայն ասել, որ, համենայնդեպս, ողջ անշարժ գույքը պահպանվում է»,- եզրափակել է Սաֆարովը։
Նյութը հրապարակման պատրաստեց Կամո Խաչիկյանը
