Քաղաքագետը բացատրել է, թե ինչու է Հայաստանը վախենում խզել հարաբերությունները Ռուսաստանի հետ
ՔԱՂԱՔԱԿԱՆՈՒԹՅՈՒՆ
Հայաստանը տնտեսապես ամուր կապված է Ռուսաստանի հետ և չի կարողանա այն փոխարինել որևէ մեկով, ասել է Ռուսաստանի միջազգային հարաբերությունների խորհրդի գիտական ղեկավար Անդրեյ Կորտունովը NEWS.ru-ի հետ զրույցում: Քաղաքագետը նաև ընդգծել է, որ ռուս-հայկական հարաբերություններում որոշակի դրական միտումներ են նկատվում։
«Եթե խոսենք ռուս-հայկական հարաբերությունների ներկայիս վիճակի մասին, ապա տնտեսության հետ կապված ամեն ինչ այնքան էլ վատ չէ, կան որոշակի դրական միտումներ: Տնտեսապես Հայաստանը շատ կապված է Ռուսաստանի հետ, և Ռուսաստանի Դաշնության պես գործընկերոջը փոխարինելը ոչ մի դեպքում արագ հնարավոր չի լինի»,- ասել է Կորտունովը։
Քաղաքագետի խոսքով, Երևանը նախատեսում է շարունակել նման բազմավեկտոր քաղաքականություն վարել գիտակցելով, որ Հայաստանի եվրոպացի գործընկերները դժվար թե հոգ տանեն երկրի անվտանգության մասին։ Փորձագետը կարծում է, որ Հայաստանի համար դժվար է Արևմուտքից որևէ երաշխիք ստանալը։
«Եթե խոսենք հայ-ադրբեջանական հարաբերությունների մասին, ապա երկրները մի շարք ոլորտներում առավելագույնս միտված են մերձեցման։ Կարելի է ասել, որ Մոսկվան ավելի շատ է հակված դեպի Բաքուն, քանի որ Ադրբեջանն ավելի շատ է աջակցում Ռուսաստանին, քան Հայաստանը»,- եզրափակել է Կորտունովը։
Հիշեցնենք, որ Հայաստանի վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ։ Զրույցի թեմաներից մեկը եղել է Ռուսաստանի ղեկավարի այցը Բաքու, Պուտինը կիսվել է Ադրբեջան կատարած այցից ստացած տպավորություններով։
Նյութը հրապարակման պատրաստեց Կամո Խաչիկյանը
