Իսրայելի պաշտպանության բանակը ստացել է «պողպատե խայթ»
ՄԻՋԱԶԳԱՅԻՆ
«Էլբիթ» պաշտպանական կոնցեռնը շահել է «Steel Sting» («պողպատե խայթ») բարձր ճշգրտության ականանետային արկերի մատակարարման մրցույթը։ Այս մասին ընկերությունը հայտարարել է հուլիսի 29-ին՝ մանրամասնելով, որ երկու տարվա համար նախատեսված պայմանագրի գումարը հասնում է 190 մլն շեկելի, գրում է vesty.co.il-ը։
«Steel Sting»-ը երկակի կառավարվող 120 մմ-ոց ականանետային արկ է (հագեցված է լազերային և GPS արբանյակային նավիգացիոն համակարգով), որը հասնում է թիրախի խոցման անհավանական ճշգրտության և նվազեցնում է խաղաղ բնակիչների համար վտանգը: Արկը նախատեսված է ինչպես խիտ կառուցապատման, այնպես էլ բաց տարածքներում օգտագործման համար։ Արկի տեսողության հեռավորությունը մինչև 10 կմ է:
«Steel Sting»-ն առաջին անգամ ցուցադրվել է 2021 թվականի մարտին մի շարք ներքին փորձարկումների ավարտից հետո։ Պաշտպանության նախարարությունն այն ժամանակ ասել էր, որ «զինամթերքի ինտեգրումը համապատասխանում է զինված ուժերի «Թնուֆա» զարգացման բազմամյա ծրագրի հայեցակարգին և բավարարում է Իսրայելի պաշտպանության բանակի կարիքները»:
Այդ արկերի հնարավորություններն արտահայտվում են մի քանի տարբերակներով։ Օրինակ օգտագործելով երկու ցանցային Kardom ականանետային համակարգեր, որոնք մշակվել են Elbit-ի կողմից և տեղադրվել են M113 զրահափոխադրիչի և Hummer 4X4 ամենագնացի վրա: Ինչ վերաբերում է «Steel Sting»-ի առաջին մարտական կիրառմանը, ապա այն տեղի է ունեցել 2023 թվականի հոկտեմբերին, երբ «Սև շաբաթից» երեք շաբաթ անց Մագլանի հատուկ ջոկատայինները Գազայում իրականացրեցին իրենց առաջին արձակումը Համասի դեմ: Այն ժամանակ նշվել է, որ արկի ճշգրտության բնութագրերը մոտ են օդային կամ ցամաքային հրթիռների և օդային ուժերի կողմից օգտագործվող ռումբերի բնութագրերին: «Steel Sting»-ն ունակ է ճշգրիտ հարվածներ հասցնել ահաբեկիչների խմբերին, մեքենաներին։
Նոր ականանետի առավելությունների թվում, ի տարբերություն, օրինակ, բարձր ճշգրտության հրետանային արկերի, կարելի է նշել արագ հասանելիությունը, օգտագործման հեշտությունը, ավելի մեծ քանակությամբ հասանելիությունը և համեմատաբար ցածր արժեքը: Գազայում դրանց առաջին կիրառումից հետո արկերն օգտագործվել են նաև Լիբանանի սահմանին Հեզբոլլահի ահաբեկիչներին հարվածելու համար: Մինչ այժմ «Steel Sting»-ի կիրառմամբ արձակվել է 12 կրակոց, որոնցից կեսը եղել է Գազայում։
Նյութը հրապարակման պատրաստեց Կամո Խաչիկյանը
